País Vasco
Convócanse os Premios Azkue de Literatura para promover a creatividade literaria entre a mocidade vasca
A Real Academia da Lingua Vasca fixo entrega dos Premios Azkue de Literatura, dirixidos á rapazada de entre 10 e 17 anos e que nesta edición recibiu ata 151 escritos. O obxectivo destes premios é fomentar a escritura en éuscaro entre a xuventude.
Fonte: Deia
O Goberno vasco colaborará para impulsar o uso do éuscaro no País Vasco francés
O Goberno vasco, en colaboración coa Oficina Pública da Lingua Vasca, confirmou o presuposto que se destinará á promoción do éuscaro en Iparralde, o País Vasco francés, seguindo coas accións establecidas no convenio marco para o período 2017-2022 e que se centran na transmisión, o uso, a calidade e actitude ante a lingua.
Fonte: EITB
Represéntase por primeira vez a ópera Bastian und Bastienne en éuscaro
A orquestra de cámara Arimaz, do municipio guipuscoano de Tolosa, levará ao escenario por primeira vez en éuscaro a ópera de W.A. Mozart "Bastian und Bastienne", que xa fora traducida a este idioma no ano 1957.
Fonte: Noticias de Guipuzkoa
Goberno vasco e Autoridade Portuaria de Bilbao asinan un convenio para fomentar o uso do éuscaro no Porto bilbaíno
O Goberno vasco e a Autoridade Portuaria firmaron un convenio de catro anos de duración para lograr un maior uso do éuscaro mediante a súa promoción e normalización.
Fonte: Deia
Bai Euskarari Elkartea crea a primeira aplicación en éuscaro para buscar emprego
Lansarean, a primeira aplicación en éuscaro para buscar traballo, conta xa con 4000 ofertas, 400 empresas e 2900 usuarios. Foi lanzada por Bai Euskarari Elkartea coa intención de dirixirse aos profesionais que buscan traballo e ás empresas que ofrecen oportunidades laborais.
Fonte: Noticias de Gipuzkoa
O Día de Internet en Éuscaro centrarase nos dispositivos móbiles
O vindeiro 17 de maio celebrarase en San Sebastián a terceira edición do Día de Internet en Éuscaro, que porá o foco nos móbiles para coñecer que modelos poden utilizarse en lingua vasca.
Fonte: EITB
O Goberno vasco salienta a colaboración en materia de política lingüística entre os territorios onde se fala éuscaro
O conselleiro de Cultura e Política Lingüística, Bingen Zupiria, salienta que o éuscaro vive un momento relevante, por varias razóns. Acaba de publicarse un libro, Historia de la lengua vasca, que relata a evolución da lingua ao longo dos séculos. Tamén se resaltou a importancia do proxecto Euskaraldia, que se vai poñer en marcha en 2018.
Fonte: La Vanguardia
O éuscaro utilízase cada vez máis en internet
O 17 de maio celébrase o Día de Internet en Éuscaro, unha xornada para reflexionar sobre a presenza desta lingua na rede, onde se utiliza cada vez máis grazas á implantación do dominio .eus.
Fonte: Eitb
O 82 % do cadro de persoal da Deputación Foral de Guipúscoa conta cos perfís lingüísticos de éuscaro 2, 3 e 4
No que respecta aos perfís lingüísticos do persoal que traballa na Deputación Foral de Guipúscoa, as porcentaxes son as seguintes: o 82 % ten acreditado os perfís lingüísticos de éuscaro 2, 3 e 4; un 8 % só conta co nivel 1 e o 10 % restante, ningún.
Fonte: Diario Vasco
Euskaraldia promove o uso do éuscaro en 300 municipios do País Vasco
Entre os días 23 de novembro e 3 de decembro celebraranse as xornadas de Euskaraldia que teñen como obxectivo fomentar o uso do éuscaro da cidadanía vasca.
Fonte: El Correo
Boletín
Subscríbase ao boletín
