O Consello de Goberno vasco aprobou unha Orde pola que se convocan subvencións, por un importe global de 146 250 euros, para realizar cursos de reforzo en lingua estranxeira en centros privados concertados e en centros públicos de titularidade municipal que imparten ciclos correspondentes ao curso 2014-2015.

Fonte: 20 minutos

Con este novo plan, o Concello biscaíño de Iurreta dá luz verde ao cumprimento de varios obxectivos que se deberán desenvolver e materializar ata o 2017. Entre outras cuestións planéase facer un estudo sobre o uso do éuscaro no propio Concello, así como cuestións relacionadas coa normalización da lingua entre os veciños.

Fonte: Deia

A viceconsellería de Política Lingüística do Goberno vasco destinará 45,6 millóns de euros para subvencionar sete convocatorias en distintos ámbitos e unha serie de axudas especiais para proxectos específicos. As partidas mantéñense na mesma liña có ano pasado, coa excepción dun aumento do 25 % nas subvencións individuais para o alumnado de euskaltegis.

Fonte: Noticias de Gipuzkoa

Este novo servizo en liña de préstamo de libros dixitais, posto en marcha polo Goberno vasco, dispón dun catálogo de títulos dixitais aberto aos máis de 530 000 socios da Rede de Lectura Pública de Euskadi.

Fonte: EITB

Hogano, dous de cada tres escritos xudiciais incorporan xa o éuscaro grazas ás ferramentas de tradución postas a disposición de bufetes de avogados e persoal da Administración de Xustiza. Ademais, e grazas ao proxecto Auzia euskaraz, o corpo de xuíces e fiscais, por boca dos seus máximos responsables na Comunidade Autónoma Vasca confirmaron o seu apoio a esta iniciativa.

Fonte: Noticias de Álava

A próxima edición do festival trae moitas novidades, comezando polo cartel, unha ilustración do artista vasco Gorka Olmo. A presenza do éuscaro tamén se intensifica, e é que, por primeira vez, se poderán ver tres ciclos completos subtitulados nesta lingua, reforzando a aposta do festival polo éuscaro, informaron fontes da organización.

Fonte: Deia

O sistema educativo de Euskadi é, con diferenza, o que conta cun mellor financiamento en España. Este feito permítelle ter o menor índice de fracaso escolar, contar co nivel máis alto de graduados universitarios ou a mellor relación de alumnos por aula. Porén, Euskadi, un país preocupado na euscaldinización da xuventude, segue á cola nun tema fundamental: a aprendizaxe e o dominio de linguas estranxeiras.

Fonte: El Diario

Loreak (Flores), ademais de ser a primeira longametraxe en éuscaro en aspirar ao Goya ao mellor filme, foi tamén a primeira cinta integramente en éuscaro que competiu na sección oficial do Festival de San Sebastián.

Fonte: El País

Ttur-ttur Euskaltzaleon Bilgunea organizou un curso de éuscaro para comerciantes e hostaleiros de Oiartzun, co fin de que poidan aprender a levar conversas correntes coa clientela. O curso será de 60 horas e englóbase dentro do proxecto que teñen Ttur-ttur Euskaltzaleon Bilgunea e o Concello de Oiartzun para impulsar o uso do éuscaro nos comercios e a hostalaría de Oiartzun.

Fonte: Diario Vasco

Durante a Segunda Guerra Mundial, o éuscaro foi un dos idiomas escollidos como código de comunicación de guerra por parte do Exército americano para enganar o seu inimigo xaponés.

Fonte: EiTB