País Vasco
Apostan polo éuscaro como elemento integrador no contexto de pluralidade cultural de Euskadi
Nun contexto multicultural como é na actualidade o País Vasco, onde se falan ata un centenar de linguas diferentes, o Goberno vasco e o club de escritores Euskal PEN publicaron un manifesto no que apostan polo éuscaro como elemento integrador.
Fonte: El País
Unha asociación de Ortuella vai organizar cursos de éuscaro para pais castelanfalantes
A asociación Pozik Hazi Elkartea, do municipio vasco de Ortuella vai organizar un curso de éuscaro destinado a pais castelanfalantes para que estes poidan axudar os seus fillos cos deberes en éuscaro e comunicarse con eles nesta lingua.
Fonte: Deia
O Concello de Balmaseda celebrará a segunda edición de Enkaterri, unha iniciativa para falar en éuscaro
O Concello vasco de Balmaseda vai organizar a segunda edición de Enkaterri, unha iniciativa que reúne a diversas persoas para practicar conversa en éuscaro.
Fonte: Deia
Crean un xogo en liña para determinar o nivel de vocabulario en éuscaro
‘Hitzegi proba’ é un xogo desenvolvido polo Centro de Neurociencias BCBL e o Instituto do Éuscaro da Universidade do País Vasco para que os usuarios poidan determinar, en cinco minutos, o seu nivel de coñecemento de vocabulario en éuscaro.
Fonte: EITB
Celebran unha manifestación en Donostia a favor do éuscaro
Unha manifestación en favor do éuscaro percorreu San Sebastián para denunciar as acción dos gobernos vasco e navarro en materia de política lingüística e para reivindicar o seu dereito a vivir nesta lingua.
Fonte: Diario Vasco
A Lei municipal de Euskadi permitiralles aos concellos emitir documentos só en éuscaro
A Lei Municipal de Euskadi permitiralles aos concellos emitir documentos redactados unicamente en éuscaro.
Fonte: El País
O Concello de Errenteria organiza unha campaña para promover o éuscaro nos comercios
Como parte das súas accións de promoción do éuscaro, o Concello de Errenteria organizou unha campaña que busca o uso desta lingua nos comercios da localidade.
Fonte: Diario Vasco
Unha nova aplicación móbil en éuscaro reivindica mulleres de éxito na historia
O xogo tipo trivial consiste en preguntas sobre mulleres que deixaron a súa pegada na historia e todas as preguntas están redactadas en éuscaro.
Fonte: El País
O alcalde de Donostia anuncia unha nova campaña de promoción do éuscaro
O alcalde de Donostia pediulles aos cidadáns que inicien as súas conversas cunha palabra en éuscaro, nun intento de promover esta lingua.
Fonte: Noticias de Guipúzkoa
Propoñen multar con ata 6000 euros as empresas que non ofrezan servizo de atención en éuscaro
A formación política vasca EH Bildu presentou unha proposición de lei para garantir a atención ao público en éuscaro. Con esta lei, as empresas que non ofrezan este servizo recibirán multa de ata 6000 euros.
Fonte: Cadena Ser
Boletín
Subscríbase ao boletín
