País Vasco
Tabakalera impulsa unha convocatoria destinada á creación de series en éuscaro
O Centro Internacional de Cultura Contemporánea Tabakalera pon en marcha trinta programas para impulsar o talento vasco aos que dedicará máis de tres millóns de euros. Unha das novidades deste ano é a convocatoria destinada á creación de series en éuscaro dirixida a guionistas e produtores executivos.
Fonte: Noticias de Gipuzkoa
O Concello de Ermua organiza un programa de actuacións e actividades en éuscaro
Ao longo de todo o mes desenvolveranse en Ermua unha ampla variedade de actuacións e actividades en éuscaro, como un concerto, unha exposición ou varios clubs de lectura.
Fonte: Deia
EITB traduce ao éuscaro a información sobre a privacidade das páxinas web
Todos os sitios web teñen a obriga de proporcionar información sobre a privacidade, unha información que ata agora non se podía ofrecer en éuscaro. Ante esta situación, Euskal Irrati Telebista traduciu os textos relacionados coa privacidade a esta lingua, que poderán usar todas as empresas que o desexen.
Fonte: El Siglo
O número de teses de doutoramento presentadas en éuscaro na Universidade do País Vasco alcanza o seu récord
Desde que en 1980 se crease a Universidade do País Vasco, o alumnado que cursa titulacións superiores en éuscaro medrou progresivamente, así como o número de teses de doutoramento nesta lingua, que acaba de alcanzar o seu récord no último período lectivo, cando se presentaron 62.
Fonte: La Vanguardia
Segundo un estudo, oito de cada dez carteis das rebaixas en Tolosa están escritos integramente en éuscaro
Segundo un estudo da asociación Galtzaundi, a utilización do éuscaro nos escaparates de Tolosa durante as rebaixas incrementouse case dez puntos en cinco anos, ata alcanzar unha presenza do 90 %.
Fonte: El Diario Vasco
A asociación Eta Kitto Euskara Elkartea comeza unha campaña para que o éuscaro se converta no idioma das compras
Ao abeiro do programa 'Euskeraz Primeran', a asociación Eta Kitto Euskara Elkartea pon en marcha unha iniciativa para fomentar o uso do éuscaro no comercio e tamén na hostalería, para o cal se colocarán uns carteis nos establecementos cos nomes dos alimentos nesta lingua e a súa equivalencia en castelán.
Fonte: El Diario Vasco
A poboación vasca poderá rexistrar a súa preferencia idiomática para relacionarse co Sistema Vasco de Saúde
O Goberno vasco ten como obxectivo que a base de datos do seu sistema de saúde inclúa a preferencia lingüística da maioría da poboación para ser atendida en éuscaro ou en castelán. Ata agora 285 500 persoas xa rexistraron a súa demanda de servizos en éuscaro.
Fonte: El Independiente
O Goberno vasco pon a disposición da cidadanía Itzuli +, unha extensión do tradutor neuronal Itzuli
Itzuli + é unha extensión para asociar ao tradutor automático Itzuli, co que amplían as ferramentas para conseguir unha tradución mellor e máis accesible. O dispositivo traduce ao instante, desde calquera web, textos en éuscaro e castelán.
Fonte: Deia
O catálogo Filmazpit incorpora cinco novas longametraxes en éuscaro
O catálogo Filmazpit, que ten como obxectivo impulsar o cine con subtítulos en éuscaro, acaba de incluír cinco novas longametraxes, un documental, dous filmes de animación, dous dramas sociais e unha antoloxía de curtas.
Fonte: Noticias de Gipuzkoa
A Comisión de Éuscaro de Oarsoaldea presenta o novo catálogo de produtos nesta lingua destinado á infancia e á mocidade
O novo catálogo de produtos en éuscaro está pensado para nenos/as e mozos/as de 0 a 16 anos e inclúe os produtos máis salientables e novidosos do mercado: música, libros, filmes, xoguetes etc.
Fonte: Diario Vasco
Boletín
Subscríbase ao boletín
