Elebide, o Servizo para a Garantía dos Dereitos Lingüísticos do Goberno vasco, rexistrou 246 incidencias no ano 2020, 52 máis con respecto a 2019. Un total de 194 queixas corresponde a vulneracións de dereitos de persoas que falan éuscaro.

Fonte: Gobierno vasco

As axudas van dirixidas ás persoas adultas, con especial atención a pais, comerciantes e xente desempregada, que poderán recibir ata 571 euros para os seus estudos.

Fonte: Barakaldo Digital

A asociación Galtzaundi Euskara Taldea iniciou esta investigación para estudar a evolución do éuscaro ao longo dos últimos séculos en Tolosaldea e coñecer a propia historia da comarca. O proxecto levarase a cabo durante tres anos e dividirase en tres fases diferentes.

Fonte: Tolosako Udala

O Concello de Vitoria e a Deputación de Áraba renovan o seu convenio de colaboración para seguir traballando na promoción do éuscaro durante catro anos máis, cunha achega de 75 000 euros ao ano.

Fonte: Noticias de Álava

A revista vasca Hermes recolleu no seu último número as oportunidades e os retos que terá o éuscaro en diferentes ámbitos no futuro. O obxectivo desta publicación é estudar as tendencias de futuro en relación coa súa utilización para que se teñan en conta no proceso de revitalización desta lingua.

Fonte: Deia

O obxectivo do convenio de colaboración é proporcionarlles asistencia técnica ás entidades locais vinculadas á Asociación de Municipios Vascos no ámbito da onomástica, especialmente en consultas relacionadas cos nomes das rúas e outras vías.

Fonte: Deia

Ao ser un dos ámbitos de socialización fundamentais para a mocidade, o deporte é un factor clave para asentar o hábito do uso do éuscaro. Por esta razón, o obxectivo do “Plan de Fomento del Euskara en el Deporte 2021-2024” é promover o uso desta lingua entre as persoas menores de 18 anos que practican deporte e facilitar que se comuniquen tamén nesta lingua cos seus adestradores ou adestradoras e cos árbitros ou árbitras.

Fonte: Gobierno vasco

O Laboratorio de Innovación Lingüística e Social BADALAB nace da colaboración entre institucións e axentes sociais do éuscaro no ámbito da iniciativa Etorkizuna Eraikiz. Este proxecto tratará de identificar novas oportunidades para fortalecer o éuscaro e buscará que esta lingua estea presente en novos contextos dixitais e iniciativas sociais.

Fonte: Euskadi Noticias

A Sociedade de Ciencias Aranzadi e a Fundación Elkano publican o primeiro planisferio celeste de Euskadi escrito completamente en éuscaro, con motivo da celebración do 500 aniversario da primeira volta ao mundo do mariño vasco Juan Sebastián Elcano.

Fonte: Cadena SER

O Concello de Vitoria colabora coa asociación Geu Elkartea nun proxecto de fomento do uso do éuscaro no sector socioeconómico, na mocidade e nos barrios da cidade.

Fonte: Noticias de Álava