País Vasco
O Concello de Tolosa e a asociación Galtzaundi Euskara Elkartea seguirán traballando para promover o uso do éuscaro
As dúas entidades renovan o seu convenio de colaboración para levar a cabo diferentes iniciativas ao longo dun ano que teñen o obxectivo de normalizar o uso do éuscaro.
Fonte: Tolosako Udala
O Concello de San Sebastián subvenciona cursos gratuítos de éuscaro para persoas desempregadas
O Concello concédelles subvencións polo valor de 38 000 euros aos centros de ensino da lingua vasca para que organicen cursos gratuítos dirixidos a persoas desempregadas do ano 2021.
Fonte: Diario Vasco
Convócanse bolsas para aprender éuscaro dirixidas á xuventude de Áraba
A Fundación Vital colabora con IKA Gasteiz no financiamento de bolsas para a aprendizaxe do éuscaro á xuventude arabesa de entre 18 e 25 anos e a persoas en situación de vulnerabilidade económica, co obxectivo de fomentar unha formación superior e a inclusión social.
Fonte: 20 minutos
O internado Maizpide organiza a 47ª edición de cursos de verán para aprender éuscaro
O alumnado do internado en Lazkao asiste durante dúas semanas aos cursos intensivos impartidos desde 1975 para aprender éuscaro.
Fonte: Deia
O Concello de Amurrio impulsa o uso do éuscaro entre a xuventude cun novo programa
Trátase do programa Euskarabide que se porá en marcha a partir de setembro co obxectivo de que os mozos e as mozas participantes se comuniquen en éuscaro durante actividades de ocio e deportivas.
Fonte: Noticias de Álava
Un mural en Ordizia reivindica a utilización do éuscaro
A asociación Emaneurre puxo en marcha unha iniciativa para instalar nunha fachada un gran mural de 15 metros de alto e 5 de ancho para chamar a atención e reivindicar a utilización do éuscaro.
Fonte: El Diario Vasco
Aumentan as incidencias relativas a vulneracións dos dereitos lingüísticos no País Vasco
Elebide, o Servizo para a Garantía dos Dereitos Lingüísticos do Goberno vasco, rexistrou 246 incidencias no ano 2020, 52 máis con respecto a 2019. Un total de 194 queixas corresponde a vulneracións de dereitos de persoas que falan éuscaro.
Fonte: Gobierno vasco
O Concello de Baracaldo convoca axudas para estudar o éuscaro
As axudas van dirixidas ás persoas adultas, con especial atención a pais, comerciantes e xente desempregada, que poderán recibir ata 571 euros para os seus estudos.
Fonte: Barakaldo Digital
Ponse en marcha un estudo que analizará a evolución do éuscaro en Tolosaldea
A asociación Galtzaundi Euskara Taldea iniciou esta investigación para estudar a evolución do éuscaro ao longo dos últimos séculos en Tolosaldea e coñecer a propia historia da comarca. O proxecto levarase a cabo durante tres anos e dividirase en tres fases diferentes.
Fonte: Tolosako Udala
O Concello de Vitoria e a Deputación de Áraba seguirán colaborando para impulsar o uso da lingua vasca
O Concello de Vitoria e a Deputación de Áraba renovan o seu convenio de colaboración para seguir traballando na promoción do éuscaro durante catro anos máis, cunha achega de 75 000 euros ao ano.
Fonte: Noticias de Álava
Boletín
Subscríbase ao boletín
