País Vasco
O Concello de Eskoriatza publica as axudas para a aprendizaxe do éuscaro
O Boletín Oficial de Guipúscoa publicou a convocatoria de subvencións con dúas modalidades: unha para a aprendizaxe do éuscaro e outra para reforzos lingüísticos da poboación de entre 3 e 12 anos.
Fonte: Diario Vasco
O Concello de Irún recorre a sentenza que considera discriminatoria a obrigatoriedade do éuscaro para optar a unha praza de policía local
O Concello de Irún presentou un recurso ante a Sala do Contencioso-Administrativo do Tribunal Superior de Xustiza do País Vasco contra a sentenza que consideraba discriminatoria a obrigatoriedade de saber éuscaro para optar a unha praza na Policía Local.
Fonte: El Diario
O Concello de Lazkao elabora o Plan estratéxico do éuscaro 2021-24 coa axuda da cidadanía
O Concello segue traballando na elaboración do seu Plan, que quere completar coa participación das ideas e opinións da cidadanía para que o documento se adapte á realidade actual e ao futuro de Lazkao e dos seus habitantes.
Fonte: Diario Vasco
O Concello de Zumaia convoca novas axudas para a colocación de rótulos en éuscaro
O Concello subvenciona un 50 % do custo dos rótulos en éuscaro para a súa colocación en establecementos comerciais, ata un máximo de 300 euros. Poden ser, entre outros, rótulos exteriores, toldos e adhesivos para os escaparates.
Fonte: Diario Vasco
A Universidade do País Vasco organiza un curso de verán para analizar a importancia da transmisión familiar do éuscaro
Dado que a transmisión familiar é un dos pasos máis importantes no proceso de revitalización do éuscaro, a Viceconsellería de Política Lingüística do Goberno vasco ofrece este curso para analizar as condutas de cada tipo de familia na transmisión desta lingua.
Fonte: Deia
Apróbase un convenio para promover o éuscaro no ámbito empresarial en Áraba
A Deputación e a asociación empresarial SEA Empresas Alavesas colaboran na coordinación do Programa Lanabes, que ten o obxectivo de promover o uso do éuscaro no ámbito empresarial e ao que se unen cada vez máis entidades.
Fonte: Noticias de Álava
O Goberno vasco destina 1,3 millóns de euros a axudas para proxectos de promoción do éuscaro
Esta convocatoria de axudas, denominada Euskalgintza, ten como obxectivo o desenvolvemento ao longo do ano 2021 de proxectos de promoción e normalización do éuscaro na vida social.
Fonte: Gobierno Vasco
O servizo de atención cidadá Zuzenean consegue o certificado de calidade do éuscaro Bikain
Zuzenean conseguiu o certificado de calidade do éuscaro Bikain como recoñecemento ao seu compromiso e o do seu persoal co éuscaro que garante o dereito da cidadanía vasca a empregar esta lingua ou o castelán na súa relación coa Administración.
Fonte: Noticias de Navarra
Seis concellos vascos únense nunha plataforma para ofrecer e solicitar traballo en éuscaro
Portugalete, Basauri, Erandio, Getxo, Orduña e Galdakao forman parte da plataforma dixital Beharsarea, unha ferramenta para ofrecer e solicitar traballo en éuscaro. Trátase dunha web que funciona como un taboleiro de anuncios virtual que ao mesmo tempo fomenta o uso desta lingua no ámbito laboral.
Fonte: El Correo
O Goberno do País Vasco convoca axudas para promover o éuscaro nos medios de comunicación en castelán
O importe total das subvencións para incrementar o uso do éuscaro é dun millón de euros e vai dirixido á prensa diaria, ás edicións dixitais e ás emisoras de radio que utilizan principalmente o castelán.
Fonte: Segres
Boletín
Subscríbase ao boletín
