País Vasco
Un total de 81 panadarías crea ofertas especiais para os clientes que usen o éuscaro
Panadarías de Oarsoaldea participan na iniciativa que busca dinamizar o uso desta lingua. Desta maneira, os clientes que usen o éuscaro poderán recibir ofertas especiais pensadas para eles.
Fonte: El Diario Vasco
O Concello de Lazkao lanza o Plan estratéxico do éuscaro para os próximos catro anos
O Plan estratéxico do éuscaro 2021-24 busca protexer e seguir fomentando o uso desta lingua. O Consistorio solicita a participación da cidadanía e de axentes locais para completar a súa elaboración co obxectivo de que o documento reflicta a realidade actual e o futuro de Lazkao e da poboación local.
Fonte: El Diario Vasco
As colonias de verán Ikusika fomentarán o uso do éuscaro entre o alumnado de 5º e 6º de primaria
As colonias Ikusika levaranse a cabo entre o 5 e o 16 de xullo no Bilbao Exhibition Centre (BEC) de Barakaldo. Esta iniciativa pioneira ten como obxectivo impulsar o emprego do éuscaro nun ambiente lúdico e de lecer entre o alumnado de primaria.
Fonte: Gobierno Vasco
O colectivo Netflix Euskaraz recolle máis de 10 000 sinaturas para pedir que Netflix inclúa contidos en éuscaro
Netflix Euskaraz, que xa conseguiu superar as 10 000 sinaturas para solicitarlle a Netflix que incorpore contidos en éuscaro, vai prolongar a súa campaña de recollida de apoios ata decembro, co obxectivo de alcanzar as 20 000 firmas.
Fonte: GasteizBerri
O Goberno vasco aproba os criterios de uso das linguas oficiais
Os «Criterios de uso das linguas oficiais no Goberno vasco» teñen como obxectivo fomentar e facilitar o emprego do éuscaro nas actividades internas e externas da Administración.
Fonte: Gasteiz Berri
O Instituto Vasco Etxepare convoca prazas de lectores de éuscaro en centros de Alemaña ou EUA
Xa está aberto o prazo de presentación de solicitudes para a selección de varias prazas de lector de éuscaro e cultura vasca en universidades de Alemaña, Francia, Estados Unidos e Xeorxia.
Fonte: Noticias de Álava
O proxecto Ekin desenvolve mecanismos de interacción con máquinas en éuscaro
O proxecto Ekin, financiado por Spri, ten como obxectivo desenvolver mecanismos de interacción en éuscaro entre traballadores/as e máquinas. Recentemente presentóuselles aos grupos da plataforma Indeus, para conseguir documentación en lingua vasca e obter así o corpus necesario para a integración das solucións.
Fonte: Noticias de Gipuzkoa
Catro concellos vascos inician unha campaña para animar a cidadanía a facer a declaración da renda en éuscaro
Errenteria, Lezo, Oiartzun e Pasaia convidan as persoas contribuíntes de Oarsoaldea a que realicen a declaración da renda en éuscaro e a relacionarse coa facenda foral nesta lingua.
Fonte: El Diario Vasco
O Goberno vasco renova os seus convenios de colaboración en materia lingüística con Euskararen Erakunde Publikoa e Euskaltzaindia
O Goberno vasco aprobou a renovación do convenio marco con Euskararen Erakunde Publikoa de Iparralde que establece a colaboración transfronteiriza en materia de política lingüística sobre o éuscaro. Así mesmo, aprobou tamén o convenio coas deputacións forais e Euskaltzaindia para a investigación e a difusión da lingua vasca.
Fonte: Gobierno Vasco
Preséntase a aplicación Txikipedia, unha wikipedia en éuscaro dirixida ao alumnado de entre 8 e 12 anos
O Goberno vasco e Euskal Wikilarien Kultura Elkartea presentan a aplicación Txikipedia, desenvolvida por CodeSyntax. Trátase dunha wikipedia en éuscaro dirixida ao alumnado de primaria que na actualidade inclúe máis de 3000 artigos, un número que vai en aumento grazas ao traballo realizado nas escolas.
Fonte: Gobierno Vasco
Boletín
Subscríbase ao boletín
