País Vasco
O Concello de Donostia organiza diferentes proxectos para fomentar o uso do éuscaro no tempo de lecer da infancia e a mocidade
O Concello de Donostia vai organizar diferentes actividades para fomentar o éuscaro entre a infancia e a mocidade no seu tempo de lecer, co obxectivo de que o emprego desta lingua non se reduza ao ámbito escolar, senón que tamén se use noutros espazos vitais, como os parques ou os adestramentos deportivos.
Fonte: DonostiTik
Ponse en marcha unha nova edición do programa Berbetan para a práctica do éuscaro
O programa para a práctica do éuscaro Berbetan, organizado pola asociación Eta kitto!, xa ten aberto o prazo de inscrición. Esta iniciativa posibilita os encontros entre persoas con esta lingua como protagonista de conversas e actividades en grupos reducidos.
Fonte: Diario Vasco
O Euskaltegi de Oñati organiza cursos de éuscaro específicos para diferentes ámbitos
O Euskaltegi municipal anuncia que organizará varios cursos gratuítos de éuscaro específicos para ámbitos como o coidado, a hostalería ou o comercio. Están dirixidos a persoas con nulos ou escasos coñecementos desta lingua e teñen como obxectivo que adquiran unha competencia oral básica para desenvolver a súa actividade laboral.
Fonte: Diario Vasco
A edición deste ano de Euskaraldia lanza novo material didáctico para os centros educativos
A nova edición de Euskaraldia, a iniciativa que busca cambiar hábitos lingüísticos e aumentar o uso do éuscaro, arrancará oficialmente o 20 de novembro. Porén xa se presentou novo material didáctico para todas as etapas educativas dos centros escolares tanto públicos como privados-concertados.
Fonte: Diario Vasco
O Concello de Donostia oferta cursos gratuítos de éuscaro para persoas desempregadas
As persoas desempregadas que residan en Donostia poderán optar a unha praza nos cursos gratuítos de éuscaro de 120 horas que oferta o concello donostiarra.
Fonte: Diario Vasco
Increméntase a porcentaxe de ensino en éuscaro na Universidade do País Vasco
A Universidade do País Vasco (UPV) deu comezo ao novo curso escolar con máis de 34 000 estudantes matriculados. Os datos actuais mostran que o 54,9 % do alumnado deste ano realizará os seus estudos en éuscaro, unha porcentaxe que medra lixeiramente respecto á do ano anterior.
Fonte: Noticias de Guipuzkoa
O Concello de Etxebarri subvencionará os rótulos en éuscaro dos establecementos comerciais
Co obxectivo de incrementar a presenza do éuscaro nos establecementos comerciais e na hostalería, o Concello de Etxebarri lanza unha convocatoria de axudas coa que subvencionará con ata o 50 % os rótulos en éuscaro nos seus locais.
Fonte: El Correo
O Concello de Donostia prepara un plan para impulsar o éuscaro na cidade
O plan para promover o éuscaro en Donostia será aprobado nas vindeiras semanas polo Goberno local. Con este documento preténdese que se converta en lingua de traballo do persoal municipal, ademais de visibilizar unha paisaxe lingüística na que o éuscaro sexa predominante nos rótulos dos establecementos comerciais.
Fonte: Onda Cero
Máis de 300 xornalistas asinan un manifesto para que todos os cargos do Goberno vasco sexan euscaldúns
Máis de 300 xornalistas asinaron un manifesto para esixir que todos os membros do novo Goberno vasco, así como os altos cargos, falen éuscaro. Con esta iniciativa, pretenden denunciar as desigualdades que sofren os profesionais que exercen o seu labor nesta lingua, fronte aos que informan en castelán.
Fonte: El Diario
O Concello de Eibar abre o prazo de solicitude de subvencións para colocar rótulos en éuscaro
O Concello de Eibar abriu o prazo para solicitar, ata o 13 de novembro, subvencións destinadas poñer en éuscaro rótulos ou calquera outro elemento da imaxe corporativa en locais comerciais, industriais e sedes de asociacións. O obxectivo destas axudas é incrementar a presenza desta lingua na paisaxe lingüística do municipio.
Fonte: Diario Vasco
Boletín
Subscríbase ao boletín
