Xeral
Zapatero ratifica o seu apoio ás linguas cooficiais pero sen aceptar excesos
O presidente do Goberno, José Luis Rodríguez Zapatero, ratificouse como un "firme defensor" das linguas cooficiais, convencido de que apoialas é "unha aposta de visión histórica", pero advertiu de que ese apoio non supón aceptar os "excesos" que se cometan con elas.
Fonte: El Periódico
O PSOE estudará que os nacionalistas usen a súa lingua no Congreso e o Senado
O PSOE comprometeuse a estudar que os partidos nacionalistas poidan utilizar as linguas cooficiais do Estado no Congreso dos Deputados e o Senado, así como que tamén se poidan empregar nos rexistros e nas relacións cos órganos da Administración de Xustiza.
Fonte: EcoDiario
Todas as linguas oficiais do Estado poderán ser utilizadas no Senado
Todos os grupos parlamentarios do Senado, a excepción do Grupo Popular, aprobaron a moción do grupo da Entesa para a normalización do uso das linguas na Administración do Estado, polo que o catalán, o galego e o éuscaro poderán ser utilizados nos Plenos.
Fonte: ADN
A 'Ortografía práctica del español' recolle as últimas normas e fixa pautas sobre o correcto uso do idioma
Leonardo Gómez Torrego é o autor de Ortografía práctica del español, un manual que recolle as novidades ortográficas aprobadas pola Real Academia Española.
Fonte: El Diario Montañés
O coñecemento de idiomas segue a ser unha materia pendente dos políticos españois
A excepción dos candidatos ás eleccións europeas, non son moitos os políticos españois de primeiro nivel que se poidan defender noutras linguas estranxeiras.
Fonte: ADN
Rodríguez Zapatero xulga "axeitado" o modelo español de protección do castelán e as linguas cooficiais
O presidente do Goberno español, José Luis Rodríguez Zapatero, xulgou "axeitado" o modelo español de protección e promoción do castelán e das linguas cooficiais, e subliñou que nos últimos anos houbo "avances" pese a que queda "camiño por percorrer".
Fonte: EcoDiario
A Confederación Estatal de Persoas Xordas e a Obra Social Caja Madrid promoverán o ensino da lingua de signos española
A Fundación da Confederación Estatal de Persoas Xordas e a Obra Social Caja Madrid asinaron un convenio de colaboración para a edición de materiais didácticos dirixidos ao ensino da lingua de signos española (LSE) como segunda lingua entre nenos e mozos oíntes.
Fonte: Europa Press
A vicepresidenta primeira do Goberno di que impulsarán o desenvolvemento das linguas españolas na UE
A vicepresidenta primeira do Goberno, María Teresa Fernández de la Vega, asegurou que o Executivo continuará co seu traballo de promover o recoñecemento das linguas cooficiais españolas na Unión Europea.
Fonte: Qué
TVE deberá subtitular o 90 % da súa programación e aumentar o uso da lingua de signos
O proxecto de lei de financiamento da Corporación RTVE dispón no seu artigo 9, como obrigas adicionais de servizo público, que "antes do 1 de xaneiro de 2013", a Corporación deberá "subtitular o 90 % dos programas e emitir polo menos dez horas á semana de interpretación con lingua de signos e dez horas audiodescritas á semana".
Fonte: Fórmula TV
O Goberno español dedica 1,2 millóns de euros á aprendizaxe da lingua de signos
O Goberno destinou en 2008 un total de 1,2 millóns de euros á aprendizaxe da lingua de signos nos centros educativos e aos medios de apoio á comunicación oral das persoas con discapacidade auditiva.
Fonte: EcoDiario
Boletín
Subscríbase ao boletín
