Por primeira vez publícase un libro escrito integramente en serfardí, o idioma que fala esta comunidade e que está considerado pola Unesco como unha lingua en grave risco de desaparición e que leva por título El espanyol sefardí.

Fonte: EFE

Este acordo servirá para que a multinacional IBM desenvolva modelos de intelixencia artificial que entendan e xeren textos en galego, éuscaro e catalán.  

Fonte: Diario Tecnología

A Mesa do Congreso convocou o concurso para a adxudicación dun contrato, cuxo prezo máximo se fixou en 12,5 millóns de euros ata 2027, de servizos de tradución, interpretación, transcrición e subtitulado en directo ao castelán das intervencións que se realicen en linguas cooficiais na Cámara Baixa.

Fonte: Galicia Confidencial

A RAE está inmersa na segunda fase do proxecto LEIA na que se desenvolverán ferramentas, tecnoloxías e aplicacións para a proxección e o uso do español no ámbito da intelixencia artificial que se traducirá na creación dun observatorio de neoloxismos, tecnicismos, termos e variacións do español, e doutras ferramentas, como reposta a consultas lingüísticas, entre moitas outras.

Fonte: Real Academia Española

Os Gobernos vasco e navarro e o Organismo Público do Éuscaro organizan colonias de verán para nenas e nenos de entre 9 e 15 anos de todos os territorios onde se fala esta lingua.  O obxectivo desta iniciativa é que utilicen o éuscaro na comunicación diaria fóra do ámbito escolar e en contextos lúdicos.

Fonte: Gobierno Vasco

Este novo documento sobre a oficialidade do catalán, o éuscaro e o galego presentarase na reunión que celebrarán os países da Unión Europea en Bruxelas o vindeiro 19 de marzo.

Fonte: EuroEFE

Un estudo analizou durante cinco anos a situación das linguas rexionais nas plataformas dixitais en 30 países europeos, concretamente, en Netflix, Amazon Prime e Disney+, e conclúe que a oferta de linguas minorizadas é moi escasa e desigual.

Fonte: El Nacional

O catalán entrou na clasificación das 40 linguas máis utilizadas en internet, elaborada polo consorcio internacional World Wide Web Consortium (W3C), na que se sitúa no posto 35, cun 0,1 % de uso.

Fonte: El Nacional

O presidente do Goberno anunciou en Barcelona o desenvolvemento dun gran modelo fundacional de linguaxe de intelixencia artificial adestrado especificamente en español e no resto de linguas cooficiais, en código aberto e transparente.

Fonte: Código Cero

As expresións culturais vinculadas á cultura xorda e á lingua de signos española incluiranse na lista de patrimonio cultural inmaterial  como manifestación representativa, unha decisión que implica que o Estado se vai comprometer coa súa salvagarda e protección.  

Fonte: Servimedia