Xeral
Os partidos da Segunda División española van poder seguirse nas linguas cooficiais
A canle LaLiga SmartBank TV ofrecerá a opción de acceder á narración e aos comentarios das retransmisións dos partidos de fútbol da Segunda División da tempada 2022-2023 en todas as linguas cooficiais.
Fonte: Asturies.com
España presentará unha solicitude oficial para que se poida usar o catalán na Eurocámara
España ten a intención de presentar unha solicitude oficial para que o catalán se converta nunha lingua máis de uso no Parlamento Europeo. Posteriormente, podería ampliar esta solicitude a outras linguas como o galego ou o éuscaro, se os gobernos das respectivas comunidades autónomas así o demandan.
Fonte: Sport
Seis entidades financeiras anuncian a creación de espazos para falar en éuscaro
As entidades financeiras que van crear espazos para o uso do éuscaro son as seguintes: Bankoa-Abanca, BBVA, Caixabank, Caja Rural de Navarra, Kutxabank e Laboral Kutxa. Comprométense, así mesmo, a incrementar o emprego desta lingua coa clientela e a participar na terceira edición de Euskaraldia.
Fonte: Noticias de Gipuzkoa
O Goberno de España e a Generalitat de Cataluña acordan impulsar o catalán
Ambos os gobernos chegaron a un acordo para desxudicializar a política e para fomentar e protexer o catalán, con maior autonomía para os centros educativos en Cataluña e a promoción do seu uso no Parlamento Europeo.
Fonte: La Vanguardia
Os gobernos de Baleares, Cataluña, Andorra e Comunidade Valenciana unifican a información necesaria para a acreditación do catalán
Grazas a este acordo, os cidadáns que queiran obter un certificado poden consultar, nas páxinas web de cada goberno, a mesma información sobre a acreditación de coñecementos do catalán (oficialidade dos certificados, niveis e descrición das probas).
Fonte: Diario de Mallorca
A Agrupación Reformista de Policías reclama que se inclúan outras linguas cooficiais de España nas oposicións ao Corpo Nacional de Policía
A Agrupación Reformista de Policías demanda que no exercicio voluntario de idioma, ademais de francés e inglés, se inclúa o resto de linguas oficiais: éuscaro, catalán, aranés, galego e valenciano.
Fonte: El Foro de Ceuta
Os gobernos de Cataluña, Baleares e Comunidade Valenciana traballarán conxuntamente para optar ao PERTE «Nova economía da lingua»
Os responsables de Política Lingüística dos gobernos de Baleares, Cataluña e a Comunidade Valenciana reuníronse para abordar, entre outros temas, a necesidade de presentar proxectos conxuntos ao PERTE «Nova economía da lingua», cuxo obxectivo é converter as linguas oficiais en elementos tractores da transformación dixital.
Fonte: La Vanguardia
VoiceOver, o principal lector de pantalla de Apple para persoas con cegueira, xa está dispoñible en galego, catalán e éuscaro
VoiceOver, o principal lector de pantalla de Apple para persoas cegas ou con pouca visión, acaba de incorporar máis de vinte linguas, entre as que se atopan o galego, o éuscaro ou o catalán, así como o bengalí, o búlgaro, o ucraíno e o vietnamita.
Fonte: Generalitat de Catalunya
A Lei xeral de telecomunicacións obrigará a que os servizos de atención ao cliente se ofrezan na lingua oficial da comunidade autónoma correspondente
O Congreso dos Deputados rematou a tramitación parlamentaria da Lei xeral de telecomunicacións que, entre outras cuestións, obriga a que os servizos de atención á clientela deberán ofrecerse en castelán e na lingua oficial da comunidade autónoma correspondente.
Fonte: Congreso de los Diputados
Apróbase a creación do Observatorio Global do Español
O Goberno de España creará o Observatorio Global do Español, que terá a súa sede na Rioxa, un centro de análise e prospectiva que fomentará o coñecemento e o prestixio desta lingua, así como das culturas hispánicas no proceso de transformación dixital.
Fonte: Fundéu
Boletín
Subscríbase ao boletín
