Xeral
A Axencia Tributaria permitirá realizar a declaración da renda en liña en catalán, valenciano e galego
A Axencia Tributaria permitiralles aos contribuíntes realizar as súas xestións en liña con Facenda en galego, catalán e valenciano. Non se inclúe o éuscaro porque en Navarra e o País Vasco responden ante as axencias forais das tres provincias vascas e a navarra.
Fonte: El Confidencial Digital
Un estudo analiza as particularidades lingüísticas na fronteira entre España e Portugal
A Universidade de Alcalá de Henares (UAH) levou a cabo un proxecto de documentación lingüística denominado 'Fronteira hispano-portuguesa: documentación lingüística e bibliográfica (Frontespo)' co obxectivo de estudar as particularidades lingüísticas da franxa fronteiriza entre ambos os países a través da análise dun total de 64 puntos dun e outro lado.
Fonte: Galicia Confidencial
Preséntase a 21ª edición da Korrika, a carreira a prol do éuscaro
AEK organiza unha nova edición da Korrika, a número 21, baixo o lema ‘Klika’. Trátase dunha carreira en favor do éuscaro, que percorre Navarra, o País Vasco e Iparralde, e que ten como finalidade concienciar sobre a protección desta lingua e conseguir fondos para os centros de aprendizaxe da entidade organizadora.
Fonte: Noticias de Navarra
Segundo un estudo, o éuscaro non é unha lingua illada
Segundo o estudo realizado pola lingüista de Nova York Juliette Blevins sobre a orixe do éuscaro, este non é un idioma illado como supuñan moitos especialistas, senón que garda unha "distante relación xenética" co protoindoeuropeo.
Fonte: La Vanguardia
Twitter esquece o galego, o éuscaro e o catalán na etiqueta de felicitación do Ano Novo
A rede social Twitter preparou etiquetas especiais de celebración do novo ano en múltiples idiomas, entre os que non se atopaban nin o galego nin o catalán nin o éuscaro, malia contaren con máis falantes que algunhas das linguas dispoñibles.
Fonte: La Vanguardia
Solicitan a incorporación da lingua de signos española na Carta Europea das Linguas Rexionais ou Minoritarias
O Comité de Expertos da Carta Europea das Linguas Rexionais ou Minoritarias, a Confederación Estatal de Persoas Xordas e mais o Centro de Normalización Lingüística da Lingua de Signos Española mantiveron unha reunión para tratar a importancia de incluír as linguas de signos na devandita carta europea.
Fonte: Prnoticias
Bilbao acolle unha reunión do Consello das Linguas Oficiais
O Consello das Linguas Oficiais celebrou unha reunión por vez primeira fóra de Madrid, presidida pola ministra de Política Territorial e Función Pública, Meritxell Batet, quen apostou por garantir o dereito da cidadanía a poder empregar a lingua que desexe nas súas relacións coa Administración Xeral do Estado.
Fonte: La Vanguardia
Preséntase unha moción no Senado para que nenas e nenos de toda España estuden as linguas cooficiais
A moción, presentada por Podemos, propón que todos os españois poidan coñecer as linguas cooficiais (catalán, galego e éuscaro) nas comunidades autónomas nas que o castelán é a única lingua oficial.
Fonte: La Vanguardia
A lingua de signos española converterase en patrimonio cultural inmaterial
O Consello de Patrimonio Histórico do Ministerio de Cultura e Deporte informou de que a lingua de signos será patrimonio cultural inmaterial, unha distinción que implica que o estado se compromete a protexer esta lingua tal como expresa a Lei 10/2015.
Fonte: EcoDiario.es
O Instituto Nacional de Administración Pública impartirá un novo curso de linguas cooficiais para o funcionariado
O Instituto Nacional de Administración Pública convoca, por vez primeira, un curso que engloba todas as linguas cooficiais, isto é, galego, catalán, éuscaro e valenciano. Trátase dunha actividade formativa en liña dirixida ao funcionariado que se impartirá entre o 14 de xaneiro e o 13 de setembro de 2019.
Fonte: El Confidencial Autónomico
Boletín
Subscríbase ao boletín
