O catalán foi o idioma que máis aumentou en número de matrículas no ano 2017, ao pasar de 757 a 3368 estudantes en toda España. Malia este aumento, o éuscaro segue a ser a lingua cooficial con máis matrículas nas escolas oficiais de idiomas, con 8146 persoas matriculadas. Estes datos foron publicados polo Ministerio de Educación e Formación Profesional.

Fonte: El Confidencial

A Plataforma pola Lingua abriu o pasado 3 de setembro a inscrición para unha nova edición do Concurso Tisner de creación de xogos en catalán. O obxectivo desta iniciativa é amosarlles ao alumnado e ao profesorado a faceta lúdica e creativa desta lingua. As iniciativas deben conter unha proposta inédita que desenvolva o aspecto creativo do catalán. O prazo de inscrición rematará o 16 de novembro.

Fonte: El Confidencial Autonómico

O grupo Konecta, adxudicatario do servizo de cita previa telefónica da Axencia Tributaria, está a incumprir o seu contrato ao non atender chamadas en galego, catalán e valenciano, malia que o prego de condicións obriga a esta empresa a facelo.

Fonte: El Diario.es

Grazas a este programa, denominado Poctefa Linguatec, será posible transferir coñecementos e desenvolver solucións lingüísticas. Así mesmo, permitirá continuar avanzando para crear un clúster transfronteirizo de tecnoloxías lingüísticas.

Fonte: ABC

Javier Cruz, representante internacional da Asemblea do Pobo Guaraní de Bolivia, é o autor do primeiro dicionario indíxena, que sairá á luz dentro de quince días coa tradución desta lingua nativa ao español. O dicionario do guaraní tamén sairá en edicións en catalán, vasco e valenciano, explicou Cruz na Feria Internacional de Turismo de Madrid (Fitur).

Fonte: La Voz de Galicia

A empresa audiovisual catalá Multisignes presentou o seu novo dicionario interactivo (formato CD-Rom) que traduce do inglés, español e catalán a sistema de signos internacional en formato de vídeo.

Fonte: Diario Signo

O Ministerio de Educación introducirá o vindeiro ano medidas para atender a falta de competencia lingüística en castelán dos estudantes de Ceuta e Melilla cuxa lingua materna non é o español.

Fonte: Ceuta al Día

As institucións responsables da política lingüística en Euskadi, Catalunya, Galicia e Illes Balears, dentro dos ámbitos de colaboración entre os catro executivos en materia de política lingüística, instituíron o Premio á promoción da realidade plurilingüe do Estado español para recoñecer o labor realizado por persoa, entidade ou empresa no ámbito do recoñecemento e promoción da diversidade lingüística existente no Estado.

Fonte: Xunta de Galicia

Todos os usuarios do servizo de correo electrónico Hotmail poden empregar o catalán na interface desta aplicación de Microsoft, despois de que a firma concluíse a tradución a esta lingua de todos os servizos de Windows Live.

Fonte: El Periódico

Korrika 16 e a Confederación de Ikastolas repartirán un CD didáctico sobre a carreira en favor do éuscaro (Korrika) a todos os centros de ensino do País Vasco, Navarra e o País vasco-francés. O obxectivo da iniciativa é promover o uso desta lingua e remarcar a necesidade de iniciativas como a que organiza a Coordinadora de Alfabetización e Euscaldunización (AEK) a través da Korrika.

Fonte: Europa Press