O Ministerio de Administracións Públicas (MAP) inscribiu no Rexistro das Entidades Locais o cambio da denominación de 18 delas. As modificacións consisten en establecer os nomes en éuscaro que, xunto coas denominacións en castelán, constituirán os novos nomes oficiais desas entidades locais.

Fonte: Europa Press

A polémica comezou cando o Concello de Cangas de Narcea aprobou, a finais de febreiro, un novo plan de normalización lingüística que inclúe unha cláusula para puntuar a formación en lingua asturiana dos aspirantes de todas as oposicións convocadas no municipio.

Fonte: ABC

O Secretario de Política Lingüística, Bernat Joan, e o director do Centro Interrexional de Desenvolvemento do Occitano (CIRDOC), Philippe Hammel, presentaron no Salón de Actos do Departamento de Cultura de Cataluña o novo sistema de tradución automática occitano-catalán-español.

Fonte: Linguamón

Izquierda Unida, Bloque por Asturies, Asociación de Trabayadores de la Normalización Llingüística e a Xunta pola Defensa de la Llingua Asturiana saíron en defensa da decisión do Concello de Cangas del Narcea de valorar como mérito os coñecementos de asturiano nas súas oposicións, e deixaron claro que esta medida non ten nada de discriminatoria.

Fonte: Europa Press

Este curso está dirixido a estudantes da Universidade Politécnica de Madrid interesados na cooperación co desenvolvemento. O obxectivo é que os futuros cooperantes aprendan suahili, un idioma que os achegará ás persoas ás que teñen que prestar axuda.

Fonte: Universia

Máis de 500 persoas acudiron á manifestación do pasado 7 de marzo en Oviedo convocadas pola Xunta pola Defensa da Lingua contra a exclusión do asturiano do sistema educativo.

Fonte: El Comercio Digital

Ao tempo que prepara a súa posible conquista da Lehendakaritza, o líder do PSE, Patxi López, afánase por aprender éuscaro. Recibe clases tres días á semana durante unha hora e media.

Fonte: El Correo Digital

Xa son tres os museos nacionais que ofrecen os seus contidos en todas as linguas cooficiais do Estado, segundo informa o Ministerio de Cultura nunha resposta parlamentaria á deputada de CiU Montserrat Surroca. Tamén a Biblioteca Nacional utiliza todas as linguas.

Fonte: EcoDiario

A Consellería de Educación da Generalitat de Catalunya estenderá a partir do próximo curso a inmersión lingüística en catalán a toda a ensinanza primaria -de 3 ata os 12 anos- nos 84 centros en que xa se aplicaba esta política, e á que se adherirán 68 escolas de Cataluña.

Fonte: Europa Press

A Confederación Estatal de Persoas Xordas (CNSE) denuncia a "falta de vontade e dilixencia" do Goberno para aplicar a lei pola que se recoñecen as linguas de signos españolas e se regulan os medios de apoio á comunicación oral das persoas xordas, con discapacidade auditiva e xordocegas, tras cumprirse 15 meses desde a súa aprobación.

Fonte: Galicia Hoxe