España
Aena responsabiliza as compañías aéreas da ausencia do catalán no Aeroporto de El Prat
A entidade de Aeroportos Españois e Navegación Aérea (Aena) responsabilizou as compañías aéreas da ausencia do catalán no uso da toponimia no Aeroporto de El Prat (Barcelona) alegando que a información se dá "de acordo con criterios establecidos polas propias compañías aéreas".
Fonte: Europa Press
O Departamento de Educación vasco destina 5,6 millóns a euscaldunizar docentes da rede privada
O Goberno vasco en funcións aprobou, na súa reunión semanal, unha subvención de 5,6 millóns para euscaldunizar docentes dos colexios privados.
Fonte: El Correo Digital
A Real Academia Española retira "tonto" como sinónimo de galego
En 2013, cando vexa a luz a vixésimo terceira edición do dicionario da Real Academia Española (RAE), "tonto" xa non será sinónimo de "galego". Dentro dun par de meses, na páxina de internet (www.rae.es) xa se indicará que o artigo está emendado.
Fonte: El País
O ensino en éuscaro mantén o seu espazo en Navarra e sitúase arredor das 1.900 prematrículas
O ensino en éuscaro non decae e mantén o seu espazo no sistema educativo navarro con preto de 1.900 preinscricións para o vindeiro curso 2009-2010, segundo datos provisionais.
Fonte: Noticias de Navarra
Reclaman que Patxi López derrogue tres decretos de éuscaro cando sexa lehendakari
A Plataforma pola Liberdade de Elección Lingüística do País Vasco considera que se Patxi López é lehendakari debe derrogar tres decretos que impoñen o éuscaro na escola vasca.
Fonte: EcoDiario
O 71% das empresas navarras imparte formación lingüística aos seus traballadores
O 71 % das empresas realizou algún tipo de actividade de formación lingüística nos últimos tres anos dirixida a traballadores, segundo revelan os datos do diagnóstico realizado dentro do programa Lingua Empresa que promove o Goberno de Navarra.
Fonte: Europa Press
O Instituto Navarro do Éuscaro e o Instituto Cervantes subscriben un convenio de colaboración
O director xerente do Instituto Navarro do Éuscaro, Xabier Azanza, e a directora do Instituto Cervantes, Carmen Caffarel, firmaron un convenio de colaboración entre ambos os organismos co fin de establecer o marco de cooperación institucional para promover a lingua e a cultura vascas fóra de España, a través dos centros do Instituto Cervantes.
Fonte: Ya.com
Alacant aprobará unha ordenanza que obriga a rotular as súas rúas nas dúas linguas
A cidade de Alacant ultima a súa primeira ordenanza sobre rotulación de rúas, na que recolle que as placas de identificación das vías públicas deberán estar escritas en valenciano e castelán.
Fonte: El País
España ten un déficit de máis de 9.000 intérpretes de lingua de signos
O presidente da Confederación Estatal de Persoas Xordas (CNSE), Luis Cañón, advertiu de que España ten un gran déficit de intérpretes de lingua de signos, xa que, aínda que debería haber en torno a 10.000, actualmente están en activo tan só entre 700 e 800 destes profesionais.
Fonte: EcoDiario
O Goberno balear recalca que o Plan de normalización lingüística se aprobou por unanimidade
O Goberno balear manifestou, tras coñecer que o PP presentou unha emenda á totalidade ao Plan de normalización lingüística elaborado polo Goberno de Baleares, que este foi aprobado por unanimidade e desde o "acordo de todos os grupos".
Fonte: Europa Press
Boletín
Subscríbase ao boletín
