A voceira do Goberno vasco, Idoia Mendía, afirmou que o Executivo manterá o actual sistema de modelos lingüísticos e "garantirá" a posibilidade dos pais de optar por calquera dos tres modelos -en éuscaro, en castelán ou bilingüe-- para a educación dos seus fillos, aínda que recoñeceu que a aspiración do gabinete de Patxi López é implantar un sistema trilingüe que introduza o inglés como terceira lingua no sistema educativo vasco.

Fonte: Europa Press

Un estudo da Fundación Ceimigra revela que o 97,8 % dos estudantes estranxeiros da Comunidade Valenciana ten coñecementos dalgunha das dúas linguas oficiais e só o 2,2 % carece completamente de competencias comunicativas.

Fonte: Panorama Actual

A Consellería de Educación do Goberno vasco presidido por Juan José Ibarretxe, ante as queixas recibidas polo Valedor do Pobo, respondeulle a este que o descenso da oferta de clases en castelán durante 2008 se debeu á diminución da demanda.

Fonte: Europa Press

O presidente do Goberno español, José Luis Rodríguez Zapatero, xulgou "axeitado" o modelo español de protección e promoción do castelán e das linguas cooficiais, e subliñou que nos últimos anos houbo "avances" pese a que queda "camiño por percorrer".

Fonte: EcoDiario

A Asociación cultural Fala Ceibe do Bierzo emite un comunicado dirixido á cidadanía berciana, á Consellería de Educación da Junta de Castilla y León, ao Valedor do Pobo desta comunidade e aos medios de comunicación para informar dos problemas escolares do ensino da materia de Lingua Galega no Bierzo.

Fonte: O Bierzo Ceibe

Fontes do Departamento de Educación catalán rebateron os argumentos que aseguran que os libros de texto dixitais poderían ser unha ameaza para a lingua catalá nas aulas e repetiron que a lingua vehicular do ensino nas aulas será o catalán.

Fonte: El Punt

O grupo do PNV na Cámara vasca pediulle explicacións ao conselleiro de Sanidade, Rafael Bengoa, por unhas declaracións nas que afirmou que nas futuras Ofertas Públicas de Emprego (OPE) do Servizo Vasco de Saúde (Osakidetza) "o éuscaro non terá o mesmo rango que ata agora".

Fonte: Europa Press

O PNV demándalle ao Goberno vasco que abra un proceso para revisar o Plan xeral de promoción de uso do éuscaro co obxectivo de "pulir tan valioso instrumento e adaptalo aos inicios do século XXI".

Fonte: El Correo Digital

Máis do 76 % dos guipuscoanos de entre 3 e 16 anos escolarizaranse o vindeiro curso no modelo D. Esta porcentaxe alcanza case o 85 % entre os menores de seis anos. Ademais, este modelo é o único beneficiado do incremento total da poboación en idade escolar, tanto en Guipúscoa como no conxunto da Comunidade Autónoma Vasca (CAV).

Fonte: Noticias de Gipuzkoa

A Universidade de Oviedo admitirá a partir do vindeiro mes de xuño documentos escritos en asturiano, sempre e cando impliquen unha tramitación sinxela e non unha xestión ou resposta urxente. O regulamento sobre a presentación de escritos en asturiano aprobouse no Consello de Goberno desta Universidade con 39 votos a favor, ningún en contra e cinco abstencións.

Fonte: Asturies.com