España
O Concello de Bilbao inicia unha campaña para impulsar a matriculación en éuscaro en bacharelato e FP
A Área de Éuscaro do Concello de Bilbao puxo en marcha unha campaña para impulsar a matriculación en éuscaro en bacharelato e formación profesional. Para isto, enviará preto de 2.700 folletos informativos aos domicilios dos mozos bilbaínos matriculados este curso en 4º de ESO.
Fonte: Deia
O Servizo de Intérpretes de Lingua de Signos de Baleares atendeu 284 usuarios en 2008, case un 50 % máis que en 2005
O Servizo de Intérpretes de Lingua de Signos de Baleares atendeu durante o pasado ano un total de 284 usuarios, que solicitaron na súa maior parte axuda nos trámites médicos, cifra que supón preto dun 50 por cento máis de persoas atendidas desde que o servizo se creou en 2005.
Fonte: Europa Press
O Departamento de Xustiza e o Consello dos Colexios de Avogados de Cataluña despregan un plan para fomentar o catalán
O Departamento de Xustiza e o Consello dos Ilustres Colexios de Avogados de Barcelona iniciaron o despregamento do Plan de calidade lingüística para despachos de avogados co fin de fomentar o catalán.
Fonte: Noticias.info
A Obra Cultural Balear e IB3 producirán programas conxuntamente para fomentar a normalización da lingua catalá
A Obra Cultural Balear (OCB) e IB3 producirán proximamente programas dunha maneira conxunta co obxectivo de favorecer a normalización da lingua catalá no arquipélago balear.
Fonte: Europa Press
A Deputación de Álava dará prioridade ao éuscaro nas contratacións externas que realice
A Deputación de Álava acaba de poñer en marcha un novo plan para normalizar o uso do éuscaro que incidirá na formación do persoal, pero tamén na utilización desta lingua nas campañas, actos públicos e contratacións que realiza a institución.
Fonte: Noticias de Álava
O Parlamento de Navarra insta o Goberno foral a valorar a implantación dunha emisora en éuscaro
A comisión de Educación aprobou, coa oposición de Unión del Pueblo Navarro, unha resolución pola que se insta o Goberno de Navarra a valorar a implantación dunha emisora de radio que emita integramente en éuscaro.
Fonte: Finanzas
A Dirección Xeral de Política Lingüística de Baleares convoca axudas de ata 140.000 euros para a prensa escrita en catalán
A Dirección Xeral de Política Lingüística das Illas Baleares publicou no Boletín Oficial de Baleares (BOIB) a convocatoria para conceder axudas destinadas á prensa escrita integramente en catalán.
Fonte: Europa Press
O Goberno catalán multou en 2006 con 43.500 euros a compañías aéreas por non utilizar o catalán
A Generalitat de Catalunya impuxo sancións por valor de 43.500 euros a compañías aéreas que operan en Barcelona por non utilizar o catalán nas súas comunicacións cos clientes no marco dunha campaña de inspección de 2006.
Fonte: Europa Press
O 22% das áreas de coñecemento da Universidade Jaume I non ten docencia en valenciano
O informe "Les llengües de la docència en la Universitat Jaume I" (As linguas da docencia na Universidade Jaume I) correspondente ao actual curso reflicte síntomas de recuperación no uso do valenciano como lingua vehicular nas clases. Pese a isto, aínda restan algunhas tendencias que corrixir.
Fonte: Las Provincias
O Consello d'a Fabla reivindica a presenza pública da lingua aragonesa
Con diversas accións programadas para os vindeiros días, o Consello d´a Fabla Aragonesa pretende impulsar a presenza pública desta lingua. Entre estas actividades atópase unha serie de faladoiros en aragonés.
Fonte: Radio Huesca
Boletín
Subscríbase ao boletín
