Acción Cultural do País Valenciano (ACPV) poñerá en funcionamento o denominado Telèfon de la Llengua (Teléfono da Lingua), un servizo de asesoramento telefónico orientado a garantir os dereitos lingüísticos dos falantes de valenciano.

Fonte: Món Divers

A Coordinadora 'Aragón ye trilingüe' convocou unha manifestación o próximo 16 de maio para reivindicar a igualdade do aragonés, o castelán e o catalán na comunidade autónoma e esixir o recoñecemento dos dereitos dos falantes das tres a expresarse nestas linguas.

Fonte: Ya.com

O asturleonés, o aragonés e o aranés son tres linguas con recoñecementos legais diferentes que demostran que a realidade lingüística do Estado español vai moito máis alá dos idiomas oficialmente recoñecidos polos seus respectivos estatutos de autonomía. O Avui preparou unha serie de reportaxes sobre estas realidades descoñecidas.

Fonte: Avui

A Plataforma No Hablamos Catalán celebrou unha protesta en Zaragoza para rexeitar a intención do PSOE e da Chunta Aragonesista de 'impoñer' o catalán en Aragón como lingua propia e reivindicar como aragonés a fala da franxa oriental.

Fonte: Terra

A Consellería de Sanidade de Valencia dispón dun sistema de interpretación simultánea entre os pacientes estranxeiros e os médicos dalgúns departamentos. Trátase do sistema de interpretación de enlace que, mediante acceso telefónico con dobre auricular, permite o entendemento en máis de vinte linguas estranxeiras entre paciente e médico.

Fonte: Qué

Granada será o vindeiro ano a primeira cidade española que acolla un instituto oficial de estudos rusos, segundo confirmaron fontes da Universidade de Granada e do Goberno ruso.

Fonte: La Opinión de Granada

218 traballadores teñen que mellorar o seu nivel actual para seguir desempeñando as mesmas funcións que agora. Crearanse comisións para facer un seguimento do plan.

Fonte: Diario Vasco

Caja Vital asinou un convenio coa asociación Araba Euskaraz e coa Federación de Ikastolas deste territorio, mediante o cal a entidade financeira destinará 70.000 euros para a promoción do éuscaro a través de actividades lúdico-festivas, educativas, culturais e deportivas.

Fonte: Soitu

O Concello de Durango concederá a empresas e asociacións subvencións para a instalación de rótulos exteriores en éuscaro e para a creación de páxinas web neste idioma.

Fonte: Deia

España traballará durante a súa presidencia da UE no primeiro semestre de 2010 para que o castelán se converta en "lingua habitual de traballo" nas institucións comunitarias, avanzou a directora do Instituto Cervantes, Carmen Caffarel.

Fonte: Europa Press