O Consello de Goberno da Comunidade de Madrid aprobou ampliar o Servizo de intérpretes de lingua de signos que ofrece o Executivo autonómico de forma gratuíta ás máis de 15.600 persoas con discapacidade auditiva da rexión.

Fonte: Solidaridad Digital

Partidarios da oficialidade do asturiano, uns 2.000 segundo a organización, esixiron en Oviedo que a lingua asturiana teña o mesmo trato que outras linguas.

Fonte: Ya.com

Coalición por Melilla proporá ao Ministerio de Educación, á súa Dirección Provincial e á Delegación do Goberno unha serie de medidas para combater o fracaso escolar, sobre todo nos alumnos de orixe bérber.

Fonte: Diario Sur

A conselleira balear de Comercio, Industria e Enerxía, Francesca Vives, fixo fincapé na necesidade de que a lingua catalá sexa "recoñecida oficialmente" no Parlamento Europeo, de maneira que os eurodeputados das illas poidan falar "na súa lingua propia".

Fonte: Europa Press

As rúas da capital balear enchéronse de persoas de todas as idades para participar na cadea humana organizada pola Obra Cultural Balear (OCB) co obxectivo de promover os dereitos lingüísticos da lingua catalá e conseguir a súa normalización.

Fonte: Europa Press

Os Consellos da Xuventude de Galicia, Asturias, Cataluña, Illas Baleares, Euskadi, Navarra, o País Valenciano e Aragón asinaron un manifesto conxunto a prol do recoñecemento do plurilingüismo no Estado español nunha xornadas celebradas en Oviedo.

Fonte: Vieiros

A Área de Cultura, Educación, Éuscaro e Deportes do Concello de Barakaldo, coa colaboración do Organismo Autónomo Municipal - Barakaldoko Euskara Udal Erakundea, puxo en marcha o primeiro Plan de uso do éuscaro na Administración, como un primeiro paso cara á aprobación dun Plan xeral de normalización do uso do éuscaro no municipio.

Fonte: Europa Press

A nova conselleira de Educación, Isabel Celaá, quere revogar os decretos que establecen o éuscaro como lingua vehicular nas etapas de infantil e bacharelato, e no currículo de primaria e secundaria.

Fonte: El País

O vicepresidente do Goberno catalán, Josep-Lluís Carod-Rovira, presentou a guía Vivir en Cataluña. Aprendemos o catalán desde o árabe, un material audiovisual que editaron a Secretaría de Política Lingüística e a Secretaría para a Inmigración para facilitar o coñecemento do catalán entre a poboación de orixe magrebí.

Fonte: e-Notícies

Máis de 900 mozos e mozas participaron no programa de actividades culturais 'Harrapazank', destinado a promover o emprego do éuscaro entre rapaces e rapazas de 12 a 16 anos.

Fonte: El Correo Digital