España
Centos de persoas maniféstanse en Zaragoza e piden ante a sede das Cortes de Aragón unha lei de linguas
Centos de persoas manifestáronse polo centro da capital aragonesa, ata chegar ao Palacio da Aljafería, sede das Cortes de Aragón, para reivindicar que o Parlamento aragonés aprobe unha lei de linguas.
Fonte: Qué
A conselleira vasca de Educación avoga por "superar o debate das linguas" e comprométese a impulsar unha sociedade bilingüe
A conselleira de Educación do Goberno vasco, Isabel Celaá, avogou por "superar o debate das linguas" porque "o éuscaro é algo natural" e comprometeuse a impulsar unha sociedade bilingüe.
Fonte: El Correo Digital
A televisión pública catalá retransmite un partido de fútbol en aranés por primeira vez na historia
Por primeira vez na historia, os araneses puideron seguir a retransmisión dun partido de fútbol na súa lingua grazas a unha desconexión da canle analóxica de TV3 no Val de Arán. Este feito sen precedentes foi impulsado por Televisión de Cataluña.
Fonte: Nationalia
O PSOE estudará que os nacionalistas usen a súa lingua no Congreso e o Senado
O PSOE comprometeuse a estudar que os partidos nacionalistas poidan utilizar as linguas cooficiais do Estado no Congreso dos Deputados e o Senado, así como que tamén se poidan empregar nos rexistros e nas relacións cos órganos da Administración de Xustiza.
Fonte: EcoDiario
A Generalitat de Catalunya e entidades de xordos impulsan unha web coa lingua de signos catalá
A Generalitat de Catalunya e a Federación de Persoas Xordas de Cataluña (Fesoca) impulsaron a web 'Webvisual', que é un portal de información adaptada á Lingua de Signos Catalá (LSC).
Fonte: La Flecha
Todas as linguas oficiais do Estado poderán ser utilizadas no Senado
Todos os grupos parlamentarios do Senado, a excepción do Grupo Popular, aprobaron a moción do grupo da Entesa para a normalización do uso das linguas na Administración do Estado, polo que o catalán, o galego e o éuscaro poderán ser utilizados nos Plenos.
Fonte: ADN
Un novo regulamento regulará a presentación de escritos en lingua asturiana na Universidade de Oviedo
A Universidade de Oviedo acolle a normalización da lingua asturiana, aínda que non tan amplamente como se reclamaba desde algúns sectores. Para empezar, xa o vindeiro día 28 se aprobará un regulamento que regula a presentación de escritos en asturiano e os novos estatutos da institución proporán impulsar o idioma autóctono.
Fonte: La Voz de Asturias
O Concello de Lena inclúe o requisito do uso do asturiano para conseguir subvencións
O Goberno do Concello de Lena acaba de convocar unhas subvencións nas que a novidade é que entre as obrigas das asociacións e colectivos que queiran optar a estas está a de facer a publicidade bilingüe (asturiano-castelán) ou só en asturiano.
Fonte: Asturies.com
Canarias impulsa novas medidas para implantar as linguas estranxeiras con especial atención ás TIC nos centros educativos
A Consellería de Educación do Goberno de Canarias publicará unha orde que permitirá solicitar a modalidade de ensino bilingüe a todos os centros educativos ao longo da presente lexislatura.
Fonte: Gobierno de Canarias
A Cámara navarra esíxelle ao Goberno foral que deixe de defender o decreto ilegal do éuscaro
O Parlamento de Navarra esixiulle ao Goberno foral que deixe de defender o decreto foral 29/2003 que regula o emprego do éuscaro na Administración e que inclúe catro artigos anulados en doce sentenzas do Tribunal Superior de Xustiza de Navarra.
Fonte: Noticias de Navarra
Boletín
Subscríbase ao boletín
