España
O Barça recoñece o catalán "como lingua propia"
A proposta de novos Estatutos que a Xunta Directiva do FC Barcelona someterá á aprobación da Asemblea de Compromisarios do próximo 19 de agosto quere introducir diferentes cambios. Un é o "recoñecemento estatutario do catalán como lingua propia do FC Barcelona e de utilización normal e preferente en todas as actividades do Club".
Fonte: E-Notícies
As especialidades de lingua asturiana están á espera dun ditame ministerial
O recoñecemento da especialidade de Lingua Asturiana, tanto na educación primaria, como na secundaria, está á espera dun ditame do Ministerio de Educación que o Principado confía en que se publique a principios do mes próximo.
Fonte: La Voz de Asturias
O PP valenciano defende que as materias en inglés facilitarán o acceso laboral
A portavoz de Educación do grupo parlamentario popular nas Cortes Valencianas, Maira Barrieras, destacou que a posibilidade de impartir diferentes materias en inglés, que está estudando a Generalitat Valenciana, "contribuirá á mellor formación dos estudantes valencianos e a que sexan máis competentes á hora de acceder ao mundo laboral".
Fonte: Levante
Case 9000 alumnos terán ensino bilingüe en setembro en Aragón
Cerca de 9.000 alumnos de infantil e primaria estudarán o vindeiro curso en dous idiomas, uns 1.500 máis dos que o fixeron o pasado. O Departamento de Educación ampliará en setembro o ensino bilingüe a dez escolas, coas que en total xa serán 48 as que impartan materias en inglés, francés ou alemán.
Fonte: Heraldo de Aragón
Defensa recalca a ERC que o castelán é lingua de servizo dos militares, aínda que poden usar outras ante o público
O Ministerio de Defensa recalcoulle ao deputado de ERC no Congreso, Joan Tardà, que o castelán é a lingua que deben empregar os militares "nos actos e relacións de servizo", aínda que tamén poden utilizar as linguas cooficiais nas dependencias administrativas e con servizo ao público.
Fonte: Europa Press
A Rioxa ofrécelles ás súas empresas un servizo gratuíto de tradución en 33 idiomas
Co fin de incrementar o número de empresas exportadoras, a Axencia de Desenvolvemento Económico da Rioxa (Ader) puxo a disposición das empresas un servizo de tradución simultánea en 33 idiomas, tanto de voz como de textos, que busca eliminar as barreiras idiomáticas que poidan xurdir á hora de exportar produtos.
Fonte: ABC
A Junta de Castilla y León ofertará o portugués como segunda lingua no terceiro ciclo de primaria
Para o curso 2009-2010 alumnos de educación primaria en Castela e León poderán elixir o portugués como segunda lingua estranxeira, equiparándoo ao francés ou o alemán.
Fonte: Leonoticias
O PNV pídelle á dirección de EITB que os partidos da Liga de Campións se retransmitan pola primeira canle en éuscaro
O parlamentario do PNV Luke Uribe-Etxebarria pediulle ao director de EITB, Alberto Surio, que os partidos de fútbol correspondentes á Liga de Campións, que retransmitirá esta tempada a televisión pública vasca, se emitan pola canle ETB-1 e en éuscaro.
Fonte: Qué!
A Llionpedia, enciclopedia virtual en leonés, supera os 5.000 artigos publicados nun mes
Máis de 5.000 artigos, 16.000 edicións, 36 colaboradores rexistrados e 61.000 visitas son as cifras dos primeiros compases de vida da Llionpedia, o punto de referencia da lingua leonesa en internet.
Fonte: Leonoticias
Renace a asociación Acción Cultural de Menorca, co obxectivo de promover a lingua e a cultura catalás
Co obxectivo de «poñer nun primeiro plano político e social» a lingua e a cultura catalás, Acción Cultural de Menorca renaceu en Ciutadella. A entidade, que xa funcionou de 1996 a 1998, inicia de novo a súa andaina con renovados obxectivos e algunhas das reivindicacións de sempre.
Fonte: Última Hora
Boletín
Subscríbase ao boletín
