España
O ministro de Educación nega que o catalán se impoña nas escolas
O ministro de Educación, Ángel Gabilondo, asegurou que o feito de que haxa carteis en catalán nas escolas fomenta o uso do catalán pero non o impón.
Fonte: Avui
Crean un rexistro de tradutores e intérpretes para avanzar na equiparación do éuscaro ao castelán
O Goberno vasco en funcións aprobou un decreto para a habilitación de tradutores e intérpretes xurados co fin de "posibilitar a utilización do éuscaro e, ao mesmo tempo, situar esta lingua na vía para a súa equiparación co castelán" e outros idiomas.
Fonte: Deia
O PP propón unha reforma legal que exime de estudar a lingua cooficial a residentes temporais
O Grupo Parlamentario Popular no Congreso presentou unha proposición de lei que pide que o castelán se estude en "proporcións equilibradas" ao resto das linguas cooficiais en comunidades como Galicia, Cataluña ou País Vasco, e que ademais establece circunstancias para eximir de estudar nas lenguas propias de cada comunidade.
Fonte: EcoDiario
O catalán é a lingua habitual do 52 % dos barceloneses
Na cidade de Barcelona un 52% da poboación ten o catalán como lingua habitual, segundo datos da "Enquisa de condicións de vida e hábitos da poboación de Cataluña, 2006", do Instituto de Estudos Rexionais e Metropolitanos de Barcelona, difundidos por CiU.
Fonte: ADN
O Cabido de Tenerife ofrece atención en inglés e alemán nas súas oficinas no norte e o sur
O Cabido de Tenerife, a través dos Centros de Servizos ao Cidadán (CSC) de Icod, La Orotava e Los Cristianos, en Arona, incorporou persoal especializado para atender a estranxeiros en lingua inglesa e alemá.
Fonte: Cabildo de Tenerife
Cerca de 400 mozos e mozas maniféstanse en Palma para "defender" a lingua catalá
Cerca de 400 mozos e mozas manifestáronse polas rúas de Palma, en relación coa concentración convocada por Joves de Mallorca per la Llengua, SEPC e Maulets, baixo o lema 'El jovent en defensa de la llengua' (A mocidade en defensa da lingua).
Fonte: Europa Press
Nace o Instituto de Linguas da Península Ibérica
Cos obxectivos de fomentar a convivencia entre as distintas linguas peninsulares, nace o Instituto de Linguas da Península Ibérica (ILPI), unha entidade promovida polo Concello de Benasque (Aragón) e pola Deputación Xeral de Aragón.
Fonte: CTNL
O Goberno vasco organiza unha conferencia internacional sobre a Carta Europea das Linguas Rexionais ou Minoritarias
Na conferencia, celebrada durante os días 20 e 21 de abril, os expertos conclúen que a integración da lingua minorizada como lingua vehicular na educación é clave para garantir o bilingüismo.
Fonte: Linguamón
Cambia o perfil dos falantes de éuscaro
Un estudo reflicte que os falantes son cada vez máis novos, máis urbanos e con menos vínculos afectivos cara á lingua vasca. Ademais, o 37 % da poboación é bilingüe, cun total de 755.640 persoas.
Fonte: El Correo Digital
A Real Academia da Lingua Vasca pide que o éuscaro «non se predique contra ninguén»
O presidente de Euskaltzaindia (a Real Academia da Lingua Vasca) asegurou que o éuscaro é un «valor compartido por todos, que se debe poñer en funcionamento» e que «non se predica contra ninguén, senón con todos».
Fonte: El Correo Digital
Boletín
Subscríbase ao boletín
