España
O Goberno español dedica 1,2 millóns de euros á aprendizaxe da lingua de signos
O Goberno destinou en 2008 un total de 1,2 millóns de euros á aprendizaxe da lingua de signos nos centros educativos e aos medios de apoio á comunicación oral das persoas con discapacidade auditiva.
Fonte: EcoDiario
A Consellería de Educación valenciana promove a lingua e a cultura romanesas en centros docentes da Comunidade
O conselleiro valenciano de Educación, Alejandro Font de Mora, destacou a vontade da Generalitat de prestar a máxima cooperación ao proxecto de ensino da lingua, cultura e civilización romanesas.
Fonte: Europa Press
O Goberno catalán aproba a Lei de acollida, que acreditará o coñecemento de catalán dos inmigrantes
O proxecto de lei de acollida para fomentar a autonomía dos inmigrantes aprobado polo Goberno catalán prevé que a Generalitat de Catalunya emita un certificado que acreditará o grao de integración dos inmigrantes en Cataluña. Este documento certificará que o inmigrante adquiriu os coñecementos básicos da lingua e a sociedade catalás, así como que coñece o mercado laboral.
Fonte: El Debat
O viceconselleiro de Política Lingüística deixa a xestión do éuscaro en mans de tres profesores
Expertos procedentes do mundo académico ocuparanse de xestionar os temas relacionados co éuscaro no Goberno vasco. O viceconselleiro de Política Lingüística, Ramón Etxezarreta, recorreu a profesionais euscaldúns e afastados da política para facerse cargo das tres direccións de área.
Fonte: El Correo Digital
CiU pide o cumprimento do servizo telefónico en catalán durante a campaña da Declaración da Renda
O grupo de CiU presentou unha proposta de resolución no Parlamento de Cataluña para instar a Generalitat a esixir que se cumpra de maneira efectiva o servizo telefónico en catalán que a Axencia Tributaria do Estado en teoría ofrece durante as campañas da Declaración da Renda.
Fonte: ADN
A Academia Valenciana da Lingua presenta vocabularios básicos de diferentes áreas
Con esta iniciativa o ente normativo pretende recuperar as fórmulas "comúns, populares e tradicionais" e por iso presentou os doce primeiros vocabularios básicos dirixidos á cidadanía en xeral, pero tamén a grupos concretos como os escolares, os inmigrantes ou os profesionais.
Fonte: Pàgina 26
O Goberno vasco presentará en 2010 unha proposta para un modelo de educación trilingüe
A conselleira de Educación do Goberno vasco, Isabel Celaá, anunciou que presentará a principios de 2010 ante o Parlamento unha proposta de marco de educación trilingüe que supere o actual sistema de modelos lingüísticos.
Fonte: La Vanguardia
Un informe alerta da deterioración do catalán nas grandes cidades valencianas
Un informe do Observatorio da Lingua Catalá e a Rede Cruscat (Coñecementos, Representacións e Usos do Catalán) do Instituto de Estudos Cataláns recoñece avances en Cataluña no uso social do catalán, aínda que alerta da súa deterioración, sobre todo nas grandes cidades valencianas.
Fonte: La Vanguardia
A Consellería de Educación valenciana permitiralles a colexios impartir o 80 % do ensino en inglés a partir do curso próximo
O Diario Oficial da Comunidade Valenciana (DOCV) publicou a orde da Consellería de Educación pola que se establece a organización e estrutura do programa experimental plurilingüe que permitirá que a partir do próximo curso 2009-2010 algúns colexios públicos da Comunidade impartan o 80 % das ensinanzas en inglés, mentres que o 20 % restante se dará en castelán e valenciano.
Fonte: Europa Press
Os escolares de Castela e León poderán aprender alemán ao comezar primaria
Os escolares de Castela e León poderán aprender alemán desde o primeiro curso de primaria se se atopan matriculados nun dos centros que ofrece esta lingua como segundo idioma, tal e como establece o protocolo de colaboración subscrito por Juan José Mateos, conselleiro de Educación, e Nikky Keilholz-Rühle, directora do Instituto Goethe en Madrid.
Fonte: Salamanca 24 Horas
Boletín
Subscríbase ao boletín
