España
As entidades locais móstranse favorables ás denominacións bilingües dos núcleos de poboación navarros
O decreto foral que regula as denominacións dos núcleos de poboación navarros indica que, en caso de denominación bilingüe, se porá en primeiro lugar o nome en éuscaro na zona vascófona, mentres que nas zonas mixta e non vascófona figurará primeiro o nome en castelán.
Fonte: Pamplona Actual
O Goberno da Generalitat invita a diversas institucións a sumarse a unha campaña de fomento do valenciano
A Dirección Xeral de Política Lingüística e Xestión do Multilingüismo convidou a outras institucións da comunidade a unirse á campaña 'Sempre teua. La teua llengua' que ten como obxectivo fomentar o uso do valenciano.
Fonte: ABC
O Parlamento de Navarra acolle unha exposición sobre o éuscaro impulsada pola Academia da Lingua Vasca
O Parlamento de Navarra inaugurou a exposición "Euskara ibiltaria", organizada pola Academia da Lingua Vasca-Euskaltzaindia, na que se mostran os diferentes dialectos do éuscaro.
Fonte: Navarra Información
O número de persoas inscritas nos cursos de lingua catalá organizados polo Goberno balear increméntase un 9 %
O número de persoas inscritas nestes 56 cursos de lingua catalá elévase a 1732, o que supón un 9 % máis que o ano anterior.
Fonte: La Vanguardia
O Concello de Manacor inicia unha campaña de sensibilización lingüística no sector do comercio
O Concello de Manacor comezou a distribuír nos comercios do municipio carteis de aberto/pechado en catalán, unha iniciativa de dinamización lingüística que se suma á da pasada tempada de rebaixas.
Fonte: Diario de Mallorca
Créase unha dinámica para a normalización do éuscaro en municipios do País Vasco
Asociacións locais e técnicos de éuscaro de municipios do País Vasco reuníronse para poñer en marcha a dinámica "365 egun", coa que pretenden colaborar para "activar" as persoas falantes de éuscaro para que durante 11 días do outono de 2018 falen esta lingua nas rúas.
Fonte: Noticias de Álava
Publícanse máis de 250 novas palabras en catalán no Diario Oficial da Generalitat de Cataluña
Veñen de publicarse no Diario Oficial da Generalitat de Cataluña 260 novas palabras en lingua catalá, normalizadas polo Consello Supervisor do TERMCAT no terceiro cuadrimestre de 2016 e no primeiro de 2017.
Fonte: Generalitat de Catalunya
Máis de 3000 persoas participarán nas convocatorias de HABE para acreditar os niveis de éuscaro
Un total de 3102 persoas participarán nas convocatorias abertas de HABE para acreditar os niveis B1, B2, C1 e C2 de éuscaro, o que reflicte a grande acollida que estas convocatorias tiveron por parte da cidadanía.
Fonte: NoticiasPress
A Universidade Pública de Navarra incorporará o éuscaro ás áreas de investigación e empregabilidade
A Universidade Pública de Navarra quere incrementar o uso do éuscaro no eido universitario e, por iso, aposta por un plan director que, ademais de aumentar a docencia en lingua vasca, incorporará este idioma a áreas como a investigación, a empregabilidade e a innovación.
Fonte: Noticias de Navarra
O Concello de Eivisa promove 14 termos en desuso da lingua catalá
A Concellería de Educación, Formación e Normalización Lingüística do Concello de Eivisa lanzou a campaña "Les nostres paraules", que, a través das súas redes sociais e páxina web, pretende promover 14 palabras en catalán que se atopan en desuso.
Fonte: La Vanguardia
Boletín
Subscríbase ao boletín
