España
O conselleiro vasco de Cultura e Política Lingüística participa na inauguración do Cine Vasco da 65 edición de Zinemaldia
Bingen Zupiria, o conselleiro de Cultura e Política Lingüística, participou na presentación do Cine Vasco da 65 edición de Zinemaldia, que permitirá a proxección de catorce películas vascas en oito seccións. Ademais, sete producións buscarán conseguir o premio Irizar Euskal Zine Saria.
Fonte: NoticiasPress.es
Ábrese o período de matriculación para os cursos de éuscaro en Vitoria
A oferta do Concello de Vitoria para o curso 2017-2018 é de 101 grupos de distintos niveis que están dirixidos a diferentes colectivos: pais e nais, maiores de 55 anos, persoal do comercio e a hostalería e persoas estranxeiras.
Fonte: Gasteiz Hoy
O Concello de Donostia ofrecerá cursos gratuítos de éuscaro para persoas desempregadas en outono
O Concello de Donostia ofrecerá cursos de balde de lingua vasca para persoas desempregadas en outono de 2017. O prazo de inscrición finaliza o 21 de setembro, mentres que os cursos darán comezo o día 5 de outubro.
Fonte: Noticias de Gipuzkoa
Publícase unha colección de experiencias para impulsar o uso do éuscaro
A asociación Bagera Donostiako Euskaltzaleen Elkartea publicou, xunto á Deputación foral de Guipúscoa, unha colección de experiencias para promover o uso da lingua vasca a través da incidencia en ámbitos lingüísticos.
Fonte: 20 minutos
Piden recorrer o novo decreto do plurilingüismo da Comunidade Valenciana ante o Tribunal Constitucional
Diversas asociacións contrarias ao decreto do plurilingüismo da Comunidade Valenciana criticaron o novo decreto-lei aprobado polo Goberno valenciano, e solicítanlles ao Goberno de España e aos partidos políticos que recorran esta norma no Tribunal Constitucional.
Fonte: ABC
A lingua aragonesa estará presente na segunda edición do Festival de Poesía de Zaragoza
O Festival de Poesía Contemporánea de Zaragoza "Soñar 2017" tratará, entre outras cuestións, a poesía da muller e a lingua aragonesa. Respecto ao aragonés, realizarase un recital no que grandes poetas confirmarán cos seus poemas o patrimonio lingüístico de Aragón. O acto terá lugar entre os días 9 e 17 de setembro de 2017.
Fonte: aragondigital.es
Impulsan unha campaña para fomentar a aprendizaxe do éuscaro na poboación adulta de Navarra
O Goberno de Navarra, a través de Euskarabidea e 32 entidades locais de Navarra, xunto cos euskaltegis públicos e de iniciativa social, impulsou unha campaña para fomentar a aprendizaxe da lingua vasca na poboación adulta durante o curso 2017-2018.
Fonte: Pamplona actual
O Consorcio para a Normalización Lingüística de Cataluña ofrece novos cursos para promover o uso do catalán
Durante o mes de setembro de 2017, o Consorcio para a Normalización Lingüística de Cataluña ofrecerá cursos para promover o uso e a aprendizaxe do catalán. Estes cursos abranguerán todos os niveis, desde o inicial ata o superior.
Fonte: Generalitat de Catalunya
O Departamento de Cultura de Cataluña apoia 24 proxectos dixitais en lingua catalá
A Dirección Xeral de Política Lingüística do Departamento de Cultura de Cataluña deu apoio no 2017 a 24 proxectos de empresas que incluíron o catalán nos seus servizos e produtos de tecnoloxía.
Fonte: Generalitat de Catalunya
Preséntase unha aplicación móbil para aprender refráns en éuscaro
Unha compañía bilbaína presentou unha aplicación móbil de balde para aprender proverbios en lingua vasca, que está destinada a estudantes de éuscaro e a persoas que desexen practicar e coñecer expresións deste idioma.
Fonte: EiTB
Boletín
Subscríbase ao boletín
