A Xunta de Galicia, representada no seu secretario xeral de Política Lingüística, Valentín García, e a súa delegada territorial en Vigo, Marta Fernández-Tapias, abriu a programación académica do IES Castelao en homenaxe a Xela Arias Castaño, alumna deste centro entre os anos 1976 e 1981 e autora á que a Real Academia Galega lle dedica o 17 de maio.

Fonte: O Portal da Lingua Galega

A nova imaxe da web da RAG fai máis sinxelo e intuitivo o acceso aos diferentes recursos e mellora as funcionalidades do seu dicionario en liña, que engade a posibilidade de realizar buscas por categoría gramatical.

Fonte: Galicia Confidencial

O secretario xeral de Política Lingüística, Valentín García, participou na presentación virtual do Igadi Annual Report 2020-2021, que aborda desde o Instituto Galego de Análise e Documentación Internacional (IGADI) a nova normalidade e a sociedade de risco global co apoio da Xunta de Galicia.

Fonte: O Portal da Lingua Galega

A Xunta de Galicia, representada polo secretario xeral de Política Lingüística, Valentín García, e polo delegado territorial na provincia da Coruña, Gonzalo Trenor, participou na presentación do I Premio Asubío de Novela FMJJ Infancia e Mocidade pola Inclusión.

Fonte: O Portal da Lingua Galega

O Diario Oficial de Galicia (DOG) publica unha modificación das bases das subvencións da Xunta a producións e coproducións audiovisuais de contido cultural galego, dotadas con 2,5 millóns de euros, segundo a que se aumentan as porcentaxes máximas de axuda que poden recibir as curtametraxes, as películas rodadas integramente en galego, as realizadas por mulleres, as de dirección novel cun orzamento non superior a 1,5 millóns de euros, as dirixidas por profesionais cunha discapacidade recoñecida de porcentaxe igual ou superior ao 33%, os documentais cinematográficos ou os traballos de animación cun orzamento máximo de 2,5 millóns de euros.

Fonte: O Portal da Lingua Galega

O delegado territorial da Xunta en Lugo, Javier Arias, e o secretario xeral de Política Lingüística, Valentín García, asistiron á colocación dunha campá no Fuciño do Porco que forma parte dunha iniciativa de promoción turística impulsada conxuntamente polos concellos do Vicedo e Portomarín.

Fonte: O Portal da Lingua Galega

O Instituto de Estudos Miñoráns e os concellos da comarca organizan dous certames que mesturan literatura e audiovisual, Primavera Literaria do Val de Miñor de Videopoemas e Videomicrorrelatos, que teñen como obxectivo fomentar a creatividade en lingua galega da mocidade.

Fonte: Faro de Vigo

Os proxectos recoñecidos na segunda edición dos Premios Mil Primaveras son estes: Enreguéifate e Regueifesta (como proxecto estabilizado), Galeguiza-T (como proxecto novo), DígochoEu (pola súa comunicación e impacto), Plan de desconfinamento progresivo da lingua galega (como proxecto máis innovador), Projeto Educativo Semente (como proxecto destinado á mocidade) e Galegoempresas (como proxecto dun ámbito sectorial).

Fonte: Premios Mil Primaveras

O IES Plurilingüe Rosalía de Castro, de Santiago de Compostela, acolle ata o vindeiro día 16 de abril a mostra itinerante Aquela nena de Sarria, un proxecto desenvolvido polo Colectivo Egeria para dar a coñecer a figura de Xela Arias, a quen se dedica este ano o Día das Letras Galegas.

Fonte: O Portal da Lingua Galega

A Xunta de Galicia, representada polo secretario xeral de Política Lingüística, Valentín García, participou en Tui nos actos do 350º aniversario da publicación da obra A contenda dos labradores de Caldelas, máis coñecida como Entremés famoso sobre a pesca no río Miño, unha peza teatral de Gabriel Feixoo de Araúxo datada arredor de 1671, que pasa por ser a primeira escrita en galego.

Fonte: O Portal da Lingua Galega