O presidente galego demostrou publicamente a súa confianza na capacidade dos profesores galegos para adaptar os seus coñecementos ao futuro decreto plurilingüe no ensino, que estipula que un terzo do horario lectivo se imparta en lingua inglesa. Os docentes competentes para dar as súas clases neste idioma terán preferencia nos concursos de traslados, ademais doutros incentivos, segundo declarou.

Fonte: ABC

A Secretaría Xeral de Política Lingüística da Consellería de Educación e Ordenación Universitaria vén de convocar catro bolsas de colaboración en proxectos de investigación que se están a desenvolver no Centro Ramón Piñeiro para a Investigación en Humanidades.

Fonte: Xunta de Galicia

Ao redor de 500 mozos e mozas europeos xa solicitaron participar no voluntariado lingüístico do Xacobeo, que organiza a Dirección Xeral de Xuventude da Xunta de Galicia, logo de que o departamento autonómico contactase con 25 asociacións xuvenís de distintos países co fin de cubrir as 30 prazas do proxecto "Eu Camiño".

Fonte: Xuventude

Sindicatos do ámbito educativo consideran "imposible" desde o punto de vista lexislativo que a Xunta de Galicia pense esixirlles aos docentes un idioma estranxeiro nas oposicións porque non está recollido no Real Decreto que regula o acceso á función pública.

Fonte: Europa Press

A Secretaría Xeral de Política Lingüística e a Escola Galega de Administración Pública (EGAP) veñen de convocar 33 cursos de linguaxe administrativa galega de nivel medio e superior co fin de fomentar a competencia do funcionariado en lingua galega.

Fonte: Xunta de Galicia

A Mesa pola Normalización Lingüística remitiulle ao presidente da Xunta, Alberto Núñez Feijóo, unha copia do informe elaborado polo Consello de Europa sobre a situación dos dereitos lingüísticos en Galicia, elaborado hai trece meses.

Fonte: Galicia Hoxe

A Secretaría Xeral de Política Lingüística da Consellería de Educación e Ordenación Universitaria vén de destinar 602.662 euros ao ámbito local para dinamizar o uso da lingua galega. En total, os 63 concellos e as catro deputacións que solicitaron as axudas recibiron a subvención do departamento que dirixe Anxo Lorenzo para a realización de actividades de fomento do uso do galego.

Fonte: Xunta de Galicia

O Goberno galego comparte o interese da Real Academia Galega de promover e fomentar a lingua galega no ensino, dentro dun marco educativo que garanta o equlibrio entre as dúas linguas oficias de Galicia. A institución científica vén de remitirlle ao Goberno galego o seu informe sobre as “Bases para o decreto do plurilingüismo no ensino non universitario de Galicia”, que foron presentadas publicamente o pasado 30 de decembro polo presidente da Xunta, Alberto Núñez Feijóo, e polo conselleiro de Educación e Ordenación Universitaria, Jesús Vázquez.

Fonte: Xunta de Galicia

A Universidade de Santiago convoca os premios á calidade e á excelencia lingüística dos traballos académicos, en dúas modalidades: unha para os traballos do curso e outra para os de fin de grao ou de fin de carreira.

Fonte: La Voz de Galicia

Un colectivo "plural" de máis de 60 xuristas de Galicia alertou de que o borrador de decreto do galego no ensino presenta "indicios claros de ilegalidade", polo que podería ser declarado "nulo". Ao mesmo tempo, critican que o texto supón unha "regresión" e un "paso atrás" en canto á promoción da lingua propia.

Fonte: Europa Press