A Secretaría Xeral de Política Lingüística, da Consellería de Educación e Ordenación Universitaria, convoca un concurso para promover a elaboración desde a comunidade escolar dunha exposición sobre a obra, época e lingua de Uxío Novoneyra, o autor ao que o próximo ano se lle dedica o Día das Letras Galegas, e/ou sobre a situación sociolingüística na que viviu o escritor courelao.

Fonte: Xunta de Galicia

A Consellería de Educación e Ordenación Universitaria, a través da Secretaría Xeral de Política Lingüística, daralles axudas aos centros de ensino para a realización de proxectos que fomenten o uso do galego no ámbito educativo.

Fonte: Xunta de Galicia

O Servizo de Normalización Lingüística da Universidade da Coruña, en colaboración co Servizo de Normalización Lingüística da Universidade de Santiago de Compostela, a Área de Normalización Lingüística da Universidade de Vigo e a Secretaría Xeral de Política Lingüística, convoca o Premio Luísa Villalta a Iniciativas Normalizadoras dirixido ao conxunto do sistema universitario galego.

Fonte: CTNL

O pasado sábado 3 de outubro celebrouse a asemblea fundacional da plataforma ProLingua no salón de actos da Facultade de Filoloxía da Universidade de Santiago de Compostela.

Fonte: Vieiros

O galego é unha das linguas máis empregadas en Twitter e aínda que poida parecer sorprendente, está por diante do idioma catalán. É máis: é a primeira lingua non oficial dun estado en aparecer, no posto número 22, co 0,104 % das mensaxes.

Fonte: Vieiros

O grupo municipal do PP no concello da Coruña solicitará a convocatoria dun pleno extraordinario para debater a cooficialidade do topónimo da cidade en castelán e galego, despois de que o grupo de goberno -PSdeG e BNG- rexeitara o debate dunha moción dos 'populares' instando á Xunta a pór en marcha os 'mecanismos lexislativos' correspondentes para a modificación da Lei de normalización lingüística.

Fonte: A Nosa Terra

O secretario xeral de Política Lingüística, Anxo Lorenzo, realizou a súa primeira visita institucional á Deputación de Ourense, onde foi recibido polo seu presidente, José Luis Baltar. Durante a reunión que mantiveron, Lorenzo e Baltar expresaron o seu interese na posibilidade de establecer unha colaboración entre a Secretaría Xeral de Política Lingüística e a Deputación de Ourense para desenvolver conxuntamente iniciativas que incidan na promoción do uso da lingua galega.

Fonte: Xunta de Galicia

O director xeral de Industria, Enerxía e Minas, Ángel Bernardo Tahoces, apostou por introducir o galego nas empresas como medida para normalizar o uso desta lingua, en resposta a unha pregunta do deputado do Bloque Nacionalista Galego Bieito Lobeira, na que denunciou que existe "un problema obxectivo" no mundo empresarial no que "necesariamente ten que entrar o Goberno".

Fonte: Europa Press

A Consellería de Educación e Ordenación Universitaria, a través da Secretaría Xeral de Política Lingüística, como xa anunciara o secretario xeral Anxo Lorenzo, daralle continuidade á convocatoria de axudas aos centros de ensino para a realización de proxectos que fomenten o uso do galego no ámbito educativo.

Fonte: Xunta de Galicia

O programa da Secretaría Xeral de Política Lingüística Bocaberta achegará o galego aos nenos e nenas de Santiago a través de diferentes obradoiros. Farao a través da campaña Contos para falar, unha iniciativa que o departamento que dirixe Anxo Lorenzo ten en marcha coa editorial Rodeira.

Fonte: Xunta de Galicia