Os tres grupos políticos do Parlamento pactaron unha resolución mediante a cal emprazan os cargos públicos da Xunta e dos seus órganos dependentes a utilizar de forma habitual a lingua galega, tanto na súa forma oral como escrita, no exercicio das súas funcións.

Fonte: La Voz de Galicia

O secretario xeral de Política Lingüística, Anxo Lorenzo, destacou a importancia de que a promoción da diversidade lingüística sexa un valor transversal da política da Unión Europea dos próximos anos. Anxo Lorenzo incidiu nesta posta en valor da pluralidade lingüística na reunión da comisión directiva da Network to Promote Linguistic Diversity (NPLD) que tivo lugar na cidade de Donostia.

Fonte: Xunta de Galicia

Os actores Luís Tosar, María Castro, Martiño Rivas, Isabel Risco e Carlos Ares protagonizan a nova campaña en defensa do galego nos centros educativos, impulsada pola Coordinadora de equipos de normalización e dinamización lingüística.

Fonte: Europa Press

Só dúas das 77 facultades que conforman o mapa universitario galego imparten algunhas materias das súas carreiras en inglés. Trátase da Facultade de Química da Universidade de Vigo e da Escola Técnica Superior de Enxeñería da Universidade de Santiago de Compostela.

Fonte: Faro de Vigo

A Secretaría Xeral de Política Lingüística pon en marcha oito novos cursos de linguaxe administrativa galega de nivel medio e superior, que comezan o mércores día 24 de febreiro nas cidades de Pontevedra, A Coruña, Lugo, Ourense e Santiago de Compostela.

Fonte: Xunta de Galicia

Expertos europeos reunidos nas Xornadas de análise sobre a Carta Europea das Linguas Rexionais ou Minoritarias, celebradas no Consello da Cultura Galega, afirman que España debe corrixir as severas eivas no cumprimento dos preceptos da Carta, especialmente graves nos eidos da xustiza e do ensino.

Fonte: Consello da Cultura Galega

O secretario xeral de Política Lingüística, Anxo Lorenzo, amosou todo o seu apoio cara ás iniciativas que se están a levar a cabo no ámbito socioeconómico para fomentar o uso do galego durante o encontro de empresarios do Foro Enrique Peinador, que tivo lugar o 25 de febreiro no pazo de Lestrove, en Padrón.

Fonte: Xunta de Galicia

A Secretaría Xeral de Política Lingüística da Consellería de Educación e Ordenación Universitaria está a afondar na súa colaboración coas universidades galegas para darlle un novo impulso á lingua galega neste ámbito.

Fonte: Xunta de Galicia

O secretario xeral de Política Lingüística incidiu na necesidade de fomentar o uso da lingua galega no ámbito da investigación durante a súa intervención na entrega do premio Condado de Pallares, que tivo lugar na casa da cultura do concello lucense de Taboada.

Fonte: Xunta de Galica

Preto de cen alumnos e alumnas do Bierzo participarán nun programa de estadía en Galicia para complementar a súa aprendizaxe da lingua galega. A Secretaría Xeral de Política Lingüística vén de organizar unha reunión con profesores da comarca leonesa para ultimar o desenvolvemento desta actividade, que se enmarca dentro do programa de ensino de galego que este departamento ten en marcha nas comarcas do Bierzo e de Sanabria.

Fonte: Xunta de Galicia