“O labor da Secretaría Xeral de Política Lingüística na xestión e posta en práctica de todas as súas liñas de actuación parte da procura do consenso e da máxima aceptación social”. Así o afirmou o responsable do departamento, Anxo Lorenzo, durante a súa intervención nas II Xeiras sobre a Lingua organizadas pola Universidade de Vigo.

Fonte: Xunta de Galicia

A Secretaría Xeral de Política Lingüística da Consellería de Educación e Ordenación Universitaria vén de organizar unha xornada formativa para reforzar a preparación do seu profesorado colaborador.

Fonte: Xunta de Galicia

A Deputación da Coruña distribuíu en 2009 máis de medio millón de euros en axudas para crear ou manter servizos de normalización lingüística na provincia nas administracións locais.

Fonte: La Opinión de A Coruña

O valedor do Pobo, Benigno López, chamou a atención sobre a redución de queixas rexistradas na Área de Cultura e Política Lingüística durante o pasado ano posto que, segundo recolle o informe elaborado sobre a actividade dese exercicio, as reclamacións por motivos lingüísticos se reduciron nun 34 por cento.

Fonte: Europa Press

O programa inclúe varias actividades, entre elas a creación de grupos de intercambios lingüísticos, que teñen como obxectivo a aprendizaxe do galego a través dunha conversa, ademais de afondar no uso, costumes e cultura dos galegos.

Fonte: La Región

A Secretaría Xeral de Política Lingüística lidera o proxecto europeo Camiño das culturas e das linguas. Diversidade cultural e lingüística no Camiño de Santiago, unha iniciativa que busca promover a diversidade lingüística e cultural no marco do Camiño de Santiago, tendo como eixe fundamental a lingua e a cultura galegas.

Fonte: Xunta de Galicia

O secretario xeral de Política Lingüística, Anxo Lorenzo, ratificou a legalidade do borrador do novo decreto de regulación do galego nas aulas, aspecto no que cre recaen as críticas do Consello da Cultura Galega (CCG) ao proxecto lingüístico da Xunta.

Fonte: La Voz de Galicia

Os dous grupos da oposición parlamentaria pronunciáronse radicalmente en contra do anteproxecto do decreto que regulará o uso do galego nas aulas, presentado polo conselleiro de Educación, Jesús Vázquez, e que consuma a decisión salomónica de impartir en castelán as materias troncais de Matemáticas, Física e Química ou Tecnoloxía, tanto en primaria como en secundaria, mentres que o galego quedaría reservado para Coñecemento do Medio, Historia e outras ciencias sociais.

Fonte: La Voz de Galicia

A Secretaría Xeral de Política Lingüística da Consellería de Educación e Ordenación Universitaria organizará ao longo deste ano 97 cursos de galego a través de diversos colectivos, entidades e/ou asociacións das catro provincias galegas.

Fonte: Xunta de Galicia

O secretario xeral de Política Lingüística, Anxo Lorenzo, asegurou a Radio Nacional de España que o proxecto de decreto para o ensino non universitario de Galicia “responde ao sentir maioritario da sociedade, que quere que as dúas linguas oficiais estean presentes dun xeito equilibrado no sistema educativo, que promovamos o galego e que ao mesmo tempo propoñamos os elementos necesarios para resolver a cuestión da aprendizaxe dunha ou de varias linguas estranxeiras”.

Fonte: Xunta de Galicia