O Goberno galego comparte o interese da Real Academia Galega de promover e fomentar a lingua galega no ensino, dentro dun marco educativo que garanta o equlibrio entre as dúas linguas oficias de Galicia. A institución científica vén de remitirlle ao Goberno galego o seu informe sobre as “Bases para o decreto do plurilingüismo no ensino non universitario de Galicia”, que foron presentadas publicamente o pasado 30 de decembro polo presidente da Xunta, Alberto Núñez Feijóo, e polo conselleiro de Educación e Ordenación Universitaria, Jesús Vázquez.

Fonte: Xunta de Galicia

A Universidade de Santiago convoca os premios á calidade e á excelencia lingüística dos traballos académicos, en dúas modalidades: unha para os traballos do curso e outra para os de fin de grao ou de fin de carreira.

Fonte: La Voz de Galicia

Un colectivo "plural" de máis de 60 xuristas de Galicia alertou de que o borrador de decreto do galego no ensino presenta "indicios claros de ilegalidade", polo que podería ser declarado "nulo". Ao mesmo tempo, critican que o texto supón unha "regresión" e un "paso atrás" en canto á promoción da lingua propia.

Fonte: Europa Press

As reformas que está a promover o Goberno do Partido Popular en materia lingüística están encontrando unha forte resistencia entre a sociedade civil galega. O xoves 21 de xaneiro chamaron a comunidade educativa galega a paralizar toda a rede de educación en contra dos plans do Goberno de Feijoó.

Fonte: Tercera Información

A Consellería de Educación e Ordenación Universitaria abriu o pasado luns día 18 de xaneiro o trámite de audiencia cos grupos políticos, sindicatos, ANPA e diferentes organismos para recoller achegas e presentar a súa proposta de decreto sobre o galego no ensino.

Fonte: Atlántico

"A nosa compra en galego" pretende promover entre os/as usuarios/as e os/as comerciantes dos mercados o uso da lingua galega achegando o léxico galego dos produtos que normalmente están á venda nun mercado.

Fonte: SNL da Coruña

Unhas 30.000 persoas, segundo estimou a Policía Municipal -50.000 segundo a organización-, entre docentes e estudantes, saíron o xoves 21 de xaneiro da Alameda de Santiago convocados pola plataforma 'Queremos Galego' para protestar contra a proposta de decreto do idioma no ensino da Xunta, que establece unha repartición das materias en tres terzos entre o castelán, o galego e unha lingua estranxeira.

Fonte: Europa Press

O secretario xeral de Política Lingüística, Anxo Lorenzo, incidiu na “necesidade de impulsar medidas de fomento do uso do galego no ámbito económico, por tratarse dun sector estratéxico prioritario para a cidadanía galega”.

Fonte: Xunta de Galicia

Un grupo de investigadores da Universidade de Santiago de Compostela (USC) recompilou a historia da lingua galega desde os seus inicios nun corpus informatizado, como parte do proxecto Tesouro Medieval Informatizado da Lingua Galega.

Fonte: Europa Press

Un novo espazo acaba de aparecer na rede, Eufalo.TV, un proxecto de documental colaborativo sobre a lingua galega, dende o punto de vista dos/as falantes.

Fonte: CTNL