O programa Bocaberta de Política Lingüística despide o 2009 cun balance moi positivo das preto de 1.000 actividades que se puxeron en marcha desde o pasado mes de xullo. Así o constataron as once editoriais galegas que colaboran neste proxecto e mais o responsable de Política Lingüística, Anxo Lorenzo, durante a reunión que mantiveron na sede da secretaría xeral, en Santiago de Compostela.

Fonte: Xunta de Galicia

O presidente da Xunta, Alberto Núñez Feijóo, propuxo, na Cámara galega, recuperar o consenso lingüístico e avanzou que nos vindeiros días o Goberno galego, tal e como comprometeu, presentará un borrador do proxecto do decreto do ensino para recuperar a “cordialidade lingüística”, a liberdade e o multilingüismo.

Fonte: Xunta de Galicia

Caixa Galicia, Caixanova e todas as caixas de aforros que teñan oficinas e clientes en Galicia terán que empregar o galego bos contratos, informacións e comunicacións que remitan aos seus clientes galegos. Así o establece o borrador da nova lei autonómica de caixas de aforros que o pleno do Parlamento votará previsiblemente o vindeiro día 29 de decembro.

Fonte: La Opinión

Máis de 260 profesionais sanitarios, na súa maioría da provincia de Pontevedra, esíxenlle á Consellería de Sanidade que facilite os impresos, folletos e escritos que manexan centros de saúde e pacientes tamén en castelán.

Fonte: Faro de Vigo

A Secretaría Xeral de Política Lingüística da Consellería de Educación e Ordenación Universitaria organiza unhas xornadas de formación dirixidas aos profesores lectores que imparten lingua e literatura galegas en diversas universidades de Europa e América.

Fonte: Xunta de Galicia

A Secretaría Xeral de Política Lingüística da Consellería de Educación e Ordenación Universitaria está a centrar o seu labor respecto dos profesores lectores de galego en mellorar o seu proceso de formación e mais a coordinación do seu traballo.

Fonte: Xunta de Galicia

Un estudo do Instituto Galego de Estatística pon de manifesto que un 23,9 por cento destas empresas non usa "nunca ou case nunca" o galego nas súas comunicacións orais, unha porcentaxe que alcanza o 61,6 por cento nas comunicacións escritas.

Fonte: Galicia Hoxe

Na súa comparecencia en comisión parlamentaria, o director da CRTVG, Sánchez Izquierdo, afirmou que a decisión de emitir en inglés, con subtítulos, certos programas dirixidos ao público infantil e xuvenil axudará á "normalización e a potenciación" do uso do galego por parte dos nenos.

Fonte: ABC

Cun total de 602.662 euros a Secretaría Xeral de Política Lingüística financia a creación e mantemento dos servizos lingüísticos municipais, os departamentos técnicos encargados da planificación e xestión de actuacións destinadas a incrementar o uso da lingua galega na actividade dos concellos e no seu espazo social.

Fonte: Xunta de Galicia

A Consellería de Educación enviaralles aos centros educativos nos próximos días o libro CLIL: integrando linguas a través do currículo, editado co obxectivo de axudar á implantación do modelo de traballo en seccións bilingües CLIL (Content and Language Integrated Learning, Estudo integrado de contidos e linguas), que lles permite aos docentes dispor dunha ferramenta de traballo útil para os ensinos bilingües.

Fonte: El Progreso