A Rede de Dinamización Lingüística (RDL) da Xunta de Galicia, coordinada desde a Consellería de Cultura, Educación e Ordenación Universitaria, sumarase por segundo ano consecutivo á celebración do Día Internacional da Lingua Materna, que promove a Unesco.

Fonte: Xunta de Galicia

A Facultade de Humanidades do campus de Lugo acubilla un relatorio e unha proxección de curtametraxes en lingua de signos española producidas pola Asociación para a Produción e Formación Audiovisual de Persoas Xordas (IDendeaf).

Fonte: Universidade de Santiago de Compostela

O IES As Fontiñas (Santiago de Compostela) está a desenvolver, en colaboración con outros centros educativos e organismos europeos, o proxecto Eurocatering, un sitio web de aprendizaxe de idiomas dirixido ao estudantado e aos profesionais do ámbito da cociña, a hostalería e a recepción. O proxecto inclúe léxico profesional e actividades didácticas en alemán, esloveno, español, finés, francés, galego, holandés, inglés, irlandés, italiano, noruegués e polaco, así como información sociocultural de utilidade para traballar nos diferentes países de Europa.

Fonte: Consello da Cultura Galega

O conselleiro de Cultura, Educación e Ordenación Universitaria, Xesús Vázquez Abad, e o presidente da Fundación Eduardo Pondal, José Luis Fondo Aguiar, asinaron un acordo de colaboración para a promoción e difusión das actividades de dinamización da lingua e cultura galegas e o estudo e preservación da obra de Eduardo Pondal.

Fonte: Xunta de Galicia

O salón de actos do Centro Ramón Piñeiro para a Investigación en Humanidades (CRPIH) acolleu a presentación do volume Cadernos Ramón Piñeiro (XXVII). Cartas a Fermín Penzol nun acto presidido polo secretario xeral de Política Lingüística en representación da Consellería de Cultura e Educación, da que depende o CRPIH.

Fonte: Xunta de Galicia

O proxecto internacional 'Tesouro do léxico patrimonial galego e portugués’ traballa dende o ano 2007 no rexistro e integración nun único banco de datos dun amplo número de repertorios léxicos galegos, portugueses e brasileiros con referenciación xeográfica concreta das voces contidas neles. Agora, esta iniciativa vaise poñer a disposición das persoas interesadas de xeito libro e gratuíto nun corpus dixital.

Fonte: Universidade de Santiago de Compostela

Os catro grupos parlamentarios da Comisión de Cultura e Educación aprobaron por unanimidade o informe do relatorio sobre a Iniciativa Lexislativa Popular (ILP) Valentín Paz Andrade, que propón o fomento dos vínculos co portugués para reforzar os lazos entre Galicia e os países da lusofonía.

Fonte: Galicia Hoxe

Publicidade Redondelá é unha campaña de promoción da lingua galega na actividade comercial e empresarial. O obxectivo principal é darlles promoción aos establecementos que usan o galego como lingua habitual e animar a outros a que dean o paso e desenvolvan a súa actividade nesta lingua.

Fonte: SNL de Redondela

A asociación de defensa da lingua galega, Prolingua, ven de pedirlle á compañía aérea Vueling que utilice o galego nas aeronaves que teñen como orixe ou destino os aeroportos de Galicia.

Fonte: Galicia Confidencial

Consultar as leis do xadrez en galego é posible desde agora grazas á iniciativa da asociación Xadrez Trebellos e Educación que, co apoio da Real Academia Galega e a Secretaría Xeral de Política Lingüística, publicou Leis do xadrez, a primeira tradución das normas deste deporte mental ao galego.

Fonte: Faro de Vigo