No que se refire ao uso dos idiomas na docencia da Universidade de Santiago de Compostela neste curso 2013-2014, sen dúbida o dato máis salientable é que o castelán é a lingua en que se imparten o 73,94 % das horas de clase. O galego vehicula o 22,98 % e o inglés o 1,59 %. Francés, portugués, italiano e alemán repártense o restante 1,12 % das horas docentes.

Fonte: O Cartafol Dixital

A Consellería de Cultura, Educación e Ordenación Universitaria, representada no seu secretario xeral de Política Lingüística, Valentín García, participou en Lugo no acto de entrega dos Premios de Narración Curta de El Progreso a Ángela Piñeiro Acción e mais a Rubén Gasalla Trabada.

Fonte: Xunta de Galicia

O Equipo de Dinamización Lingüística da Escola Oficial de Idiomas da Coruña convoca unha nova edición do festival CinEOI Coruña Curtas, que ten como obxectivo promover a creatividade en lingua galega.

Fonte: Consello da Cultura Galega

A Asociación Socio-Pedagóxica Galega organiza este concurso, dirixido á comunidade educativa, co obxectivo de normalizar o uso oral do galego e contribuír a que este idioma se converta en instrumento normal de comunicación e creación de historias.

Fonte: Consello da Cultura Galega

O secretario xeral de Política Lingüística da Consellería de Cultura, Educación e Ordenación Universitaria, Valentín García Gómez, participou na Estrada nos actos de conmemoración que organizou o Concello pontevedrés con motivo do 177º aniversario do nacemento de Rosalía de Castro.

Fonte: Xunta de Galicia

A Consellería de Cultura, Educación e Ordenación Universitaria, por medio do seu secretario xeral de Política Lingüística, Valentín García, presentou a nova edición do programa de dinamización lingüística FalaRedes, que chegará por terceiro ano a todos os concellos adscritos á Rede de Dinamización Lingüística (RDL) da Xunta de Galicia.

Fonte: Xunta de Galicia

A figura de Xosé María Díaz Castro, autor homenaxeado este ano no Día das Letras Galegas, chegará, da man da Consellería de Educación e Ordenación Universitaria, aos centros de ensino, aos centros de estudos galegos, aos centros da emigración, aos concellos da Rede de Dinamización Lingüística (RDL) da Xunta de Galicia e ás bibliotecas de preto de 2000 puntos de Galicia e do exterior.

Fonte: Xunta de Galicia

A Consellería de Cultura, Educación e Ordenación Universitaria, por medio do secretario xeral de Política Lingüística, Valentín García, participou en Vigo no acto de presentación da Roda dos verbos. Usos e dificultades da conxugación verbal en galego, un novo recurso lingüístico editado pola Universidade de Vigo (UVigo), no marco do convenio de colaboración en materia de normalización lingüística asinado entre esta institución e o departamento que dirixe o conselleiro Vázquez Abad.

Fonte: Xunta de Galicia

A Asociación de Persoas Xordas de Vigo convoca o primeiro festival da canción en lingua de signos en Galicia e un dos poucos a nivel español que se celebrará o 12 de abril no teatro García Barbón.

Fonte: Atlántico

O conselleiro de Cultura, Educación e Ordenación Universitaria, Xesús Vázquez Abad, presentou outra das iniciativas que o seu departamento pon en marcha no marco da programación que impulsa a Xunta de Galicia para renderlle tributo ao autor guitiricense Xosé María Díaz Castro, a nova edición remasterizada do documental ‘Xosé María Díaz Castro. Nimbos de poesía’.

Fonte: Xunta de Galicia