Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O secretario xeral de Política Lingüística, Anxo Lorenzo, animou os responsables das cátedras e centros de estudos galegos (CEG) de Brasil "a continuar co labor que veñen impulsando a prol da proxección exterior da lingua e da literatura galegas".
Fonte: Xunta de Galicia
A creación dun programa de acción cultural, que complemente a formación académica e a investigación nas universidades, será unha das prioridades para a proxección internacional da lingua e da literatura galegas.
Fonte: Xunta de Galicia
Os Xogos Olímpicos de Londres realizaranse oficialmente en francés, co inglés como segunda lingua. Dado que o primeiro idioma do Comité Olímpico Internacional (COI) é o francés, esta lingua ten prioridade na entrega de medallas e en todas as outras cerimonias olímpicas.
Fonte: Business Review Europe
O Instituto Francés abrirá en xaneiro de 2011 un local en Bilbao co fin de promover a cultura francesa na capital biscaíña, o ensino da súa lingua e o intercambio intelectual, artístico e económico entre a República e a cidade.
Fonte: ABC
O obradoiro musical Canta música! estréase dentro da programación de Bocaberta, a iniciativa coa que a Secretaría Xeral de Política Lingüística busca achegarlles o galego aos mozos e mozas dos 3 aos 18 anos.
Fonte: Xunta de Galicia
A cultura en éuscaro necesita revitalizarse. Tal é o diagnóstico que se extrae dun estudo presentado en San Sebastián pola Deputación de Guipúscoa que alerta da necesidade de que institucións e axentes sociais traballen en común para lograr revitalizar a situación actual da cultura que se produce, difunde e transmite en lingua vasca.
Fonte: El País
Quebec lanza unha nova estratexia en liña para promover o uso do francés entre os pequenos empresarios. O Goberno afirma que hai que facer máis para protexer e animar as persoas a utilizar o francés como lingua da empresa.
Fonte: CTV
Case dous millóns de persoas falaban bretón a principios do século XX, segundo a Oficina da Lingua Bretoa (Ofis ar Brezhoneg). Esa cifra reduciuse ata as 250.000 de acordo coa Unesco, que cualifica esta lingua como gravemente en perigo.
Fonte: CNN
Este sistema permitirá atender as chamadas dos cidadáns en máis de 80 linguas, entre elas o chinés mandarín, o romanés e o árabe. Deste xeito, amplíase substancialmente a poboación que pode ser atendida no seu propio idioma.
Fonte: En Pozuelo
O responsable de Política Lingüística, Anxo Lorenzo, anunciou a creación dun programa de difusión lingüística, literaria e cultural que poida ser compartido polos centros de estudos galegos de todo o mundo.
Fonte: Xunta de Galicia
Subscríbase ao boletín
