O secretario xeral da Lingua entrega o V Premio Fina Casalderrey de Literatura Infantil pola Igualdade, co que colabora a Xunta, e que este ano recoñece a escritora Ana Rebeca Fernández.
Fonte: O Portal da Lingua Galega
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
12 de novembro de 2025
12 de novembro de 2025
A Dirección de Servizos da Educación e de Desenvolvemento da Xuventude de Macau promove un proxecto de cooperación entre centros de Macao, China continental e Portugal para fomentar o ensino do portugués e formar alumnado bilingüe en chinés e portugués.
Fonte: Portal do Governo de Macau
12 de novembro de 2025
A localidade da Estrada foi o escenario do acto de entrega dos XXXV Premios San Martiño de Normalización Lingüística, que recoñeceron o programa O recuncho da lingua (Radio Estrada), o músico Abraham Cupeiro e Ramón Varela Cives.
Fonte: Cultura galega
12 de novembro de 2025
A Lei de Servizos de Atención á Clientela enfróntase á súa aprobación definitiva no Congreso. A norma recoñece o dereito das persoas consumidoras a seren atendidas nas linguas cooficiais e limita o tempo de espera telefónica a un máximo de tres minutos nas grandes empresas.
Fonte: Forbes
12 de novembro de 2025
A entidade Euskalgintzaren Kontseilua, que agrupa as principais asociacións e axentes que traballan a prol da normalización do éuscaro, convocou unha mobilización masiva en Bilbao o vindeiro 27 de decembro para dar un novo impulso social á lingua vernácula.
Fonte: Mediabask
11 de novembro de 2025
A Consellería de Cultura, Lingua e Xuventude e a Residencia Literaria 1863 da Coruña acaban de convocar a VI Residencia Xacobeo para persoas tradutoras de literatura galega, co obxectivo de estimular e promocionar a tradución de obras literarias en galego, así como impulsar as letras galegas no exterior.
Fonte: O Portal da Lingua Galega
11 de novembro de 2025
O Departamento de Éuscaro, Cultura e Deportes da Deputación Foral de Biscaia presentou os orzamentos para 2026, que medrarán un 4,2 % respecto ao ano anterior. As prioridades inclúen a reactivación do éuscaro, o fomento da cultura e a promoción do talento local, así como o impulso do deporte en todas as idades.
Fonte: Bizkaia
11 de novembro de 2025
A Real Academia Galega únese ás conmemoracións do 500.º aniversario do nacemento de Luís de Camões. O seu presidente, Henrique Monteagudo, pronunciou unha conferencia en Lisboa sobre as conexións entre o autor e Galicia, e participou na inauguración dunha exposición que repasa a influencia de Camões na literatura galega.
Fonte: RAG
11 de novembro de 2025
A Real Academia Galega e a Fundación Barrié lanzan a campaña para a elección da Palabra do Ano 2025, que como é xa costume se exporá no Paseo das Palabras do Ano en Lugo. O público poderá participar virtualmente até o 21 de decembro a través do Portal das Palabras.
Fonte: RAG
11 de novembro de 2025
Un estudo revela que vivir nun ambiente onde se falan varias linguas protexe contra o envellecemento
Até agora sábíase que falar máis dunha lingua protexía o cerebro e melloraba a función cognitiva das persoas. Agora un novo estudo publicado na revista Nature Aging revela que vivir nun ambiente multilingüe reduce o risco de envellecemento acelerado, de modo que as persoas multilingües teñen menos da metade de probabilidades de experimentar este declive que as monolingües.
Fonte: ARA
Boletín
Subscríbase ao boletín
