Aragón
Unhas dez mil persoas falan aragonés na comunidade
Na actualidade son arredor de dez mil as persoas que falan o aragonés, sen contar un número indeterminado de aragoneses que, nos últimos anos, o aprenderon nun intento por impulsar unha lingua que corre o risco de desaparecer.
Fonte: Radio Huesca
O Consello Superior de Linguas de Aragón xa ten os seus membros
O Boletín Oficial de Aragón publicou a listaxe dos quince membros que conformarán o Consello Superior de Linguas de Aragón. Estas persoas, elixidas polo Goberno autonómico, as Cortes e a Universidade de Zaragoza, deben ser seleccionadas entre filólogos, xuristas e destacadas personalidades da investigación lingüística.
Fonte: Aragón Digital
Máis de 100 profesores aragoneses perfeccionarán idiomas no estranxeiro
Un total de 120 docentes aragoneses participará este curso nos cursos que compoñen o Programa de Aprendizaxe de Linguas Estranxeiras (PALE) organizado polo Departamento de Educación e destinados a perfeccionar o inglés ou francés durante quince días nos respectivos países.
Fonte: El Periódico de Aragón
A Academia do Aragonés elabora unha proposta ortográfica para todas as variedades da lingua
A Academia do Aragonés elaborou unha proposta ortográfica da lingua aragonesa, froito dun traballo de tres anos e do consenso dos participantes na súa elaboración.
Fonte: Aragón Digital
Apróbanse os estatutos da Academia da Lingua Aragonesa e a Academia Aragonesa do Catalán
O Consello de Goberno aprobou o decreto polo que se aproban os estatutos da Academia da Lingua Aragonesa e a Academia Aragonesa do Catalán.
Fonte: Diario Siglo XXI
As xornadas “Linguas do Pireneo” chegan á súa decima edición en Graus
Graus volverá acoller, entre o xoves día 14 e o domingo 17 de abril, as Xornadas de Linguas do Pireneo, que acadan este ano a súa décima edición.
Fonte: Diario del Alto Aragón
Once concellos aragoneses acudirán ao Tribunal Constitucional se se desenvolve a Lei de linguas
Once concellos aragoneses advertiron que acudirán ao Tribunal Constitucional (TC) se o Goberno de Aragón chega a desenvolver a Lei de linguas, é dicir, se adopta decisións ao amparo deste texto que se aprobou a finais de 2009 e que declara o catalán “lingua propia" de Aragón.
Fonte: ABC
Varias asociacións aragonesas piden a derrogación inmediata da Lei de linguas
A Federación de Asociacións Culturais de Aragón Oriental (FACAO) únese á demanda da Plataforma Aragonesa “Non Falamos Catalán” para solicitar a “inmediata” modificación da Lei de patrimonio para substituír a referencia á lingua catalá pola lingua aragonesa e as súas modalidades.
Fonte: Europa Press
O campus de Huesca impartirá o primeiro título universitario de lingua aragonesa
Os profesores José Domingo Dueñas e Francho Nagore presentan na Facultade de Ciencias Humanas e da Educación, un novo título de posgrao da Universidade de Zaragoza. Trátase do Diploma de Especialización en Filoloxía Aragonesa, que se impartirá no campus de Huesca.
Fonte: Radio Huesca
Nace Arredol, o primeiro diario dixital xeneralista en lingua aragonesa
Gran salto da lingua aragonesa ao mundo dixital. Proximamente, o idioma propio de Aragón contará co seu primeiro diario dixital, Arredol, grazas a un núcleo de impulsores que soubo tecer unha rede de colaboradores.
Fonte: Món Divers
Boletín
Subscríbase ao boletín
