Aragón
A Academia do Aragonés presentará en 2010 a nova ortografía da lingua aragonesa
A Academia do Aragonés presentará nas primeiras semanas de 2010 a nova ortografía da lingua aragonesa, máis próxima que a actual á tradición escrita deste idioma, en especial á época en que foi lingua oficial de Aragón, a Idade Media.
Fonte: Europa Press
O Goberno de Aragón ofertará xa prazas de profesor de catalán e aragonés nas oposicións de 2011
O Goberno de Aragón sacará na próxima convocatoria de oferta de emprego público para profesores de primaria -prevista para 2011- prazas de profesor de catalán e aragonés.
Fonte: Heraldo
A Chunta Aragonesista reclama programas en linguas propias de Aragón na radio e a televisión aragonesas
Tras a aprobación da Lei de linguas, na que se prevé que a televisión e a radio públicas deben promover a emisión de programas nas linguas propias de Aragón de maneira regular, a Chunta Aragonesista considera que "é o momento de fomentar e difundir a riqueza lingüística de Aragón a través dos medios de comunicación públicos".
Fonte: ABC
Aragón terá academias oficiais de catalán e aragonés antes de que acabe o ano
O primeiro trámite para o desenvolvemento da Lei de linguas de Aragón, que entrou en vigor o pasado sábado 30 de xaneiro, será a creación do Consello Superior das Linguas e concretar as zonas de uso. Antes de que acabe o ano tamén deberán estar operativas as dúas academias, de aragonés e catalán.
Fonte: La Mañana
O Goberno de Aragón e as Escolas Pías colaboran para fomentar as linguas estranxeiras
A conselleira de Educación, Cultura e Deporte do Goberno de Aragón, María Victoria Broto, e o provincial da Institución Escolas Pías, Javier Negro, asinaron un protocolo de colaboración en materia de educación para desenvolver o estudo de linguas estranxeiras en Aragón.
Fonte: Europa Press
A web do Goberno de Aragón incorpora información sobre o teléfono de emerxencias 112 SOS en lingua de signos española
A información sobre o teléfono de emerxencias 112 SOS Aragón xa é accesible en lingua de signos española (LSE) na páxina web do Goberno de Aragón.
Fonte: Qué
Catorce comités do Partido Aragonés únense para rexeitar a "imposición" do catalán
Un total de catorce comités do Partido Aragonés (PAR) da zona oriental uníronse para rexeitar o proxecto de Lei de linguas do PSOE porque "trata de impoñer o catalán", segundo indican nun comunicado.
Fonte: El Periódico de Aragón
A Chunta Aragonesista acusa o Goberno de Aragón do descoido sistemático do patrimonio lingüístico
O secretario de Política Cultural e Identidade Nacional de la Chunta Aragonesista, Miguel Martínez Tomey, acusou o Goberno aragonés de manter un "descoido sistemático" do patrimonio lingüístico e de non ser capaz de "protexer, promover e difundir as linguas de Aragón".
Fonte: ADN
O Partido Aragonés esixe eliminar o catalán da Lei de linguas un día antes de votalo nas Cortes
A bases do Partido Aragonés (PAR) esíxenlles aos seus portavoces nas Cortes que se pronuncien claramente en defensa do aragonés da zona oriental e que rexeiten totalmente a inclusión do catalán. De non ser así, consideran que se estarán traizoando as ideas do PAR e de Aragón e que os seus votantes non o perdoarán.
Fonte: El Libre Pensador
As Cortes de Aragón regularán por lei as linguas minoritarias
O Pleno das Cortes de Aragón aprobou a toma en consideración da proposición de lei do Grupo Socialista relativa á protección das linguas minoritarias da comunidade autónoma: o aragonés e o catalán.
Fonte: Europa Press
Boletín
Subscríbase ao boletín
