Aragón
A Chunta Aragonesista reclama programas en linguas propias de Aragón na radio e a televisión aragonesas
Tras a aprobación da Lei de linguas, na que se prevé que a televisión e a radio públicas deben promover a emisión de programas nas linguas propias de Aragón de maneira regular, a Chunta Aragonesista considera que "é o momento de fomentar e difundir a riqueza lingüística de Aragón a través dos medios de comunicación públicos".
Fonte: ABC
Aragón terá academias oficiais de catalán e aragonés antes de que acabe o ano
O primeiro trámite para o desenvolvemento da Lei de linguas de Aragón, que entrou en vigor o pasado sábado 30 de xaneiro, será a creación do Consello Superior das Linguas e concretar as zonas de uso. Antes de que acabe o ano tamén deberán estar operativas as dúas academias, de aragonés e catalán.
Fonte: La Mañana
O Goberno de Aragón creará unha oficina técnica de Política Lingüística
O Goberno de Aragón creará unha oficina técnica de Política Lingüística que se encargará da xestión de todas as cuestións administrativas referentes ao desenvolvemento da Lei de linguas.
Fonte: El Periódico de Aragón
A Consellería de Educación de Aragón terá as competencias sobre política lingüística
Nun próximo Consello de Goberno modificarase o decreto de estrutura do Departamento de Educación, Cultura e Deporte para atribuírlle as competencias sobre política lingüística na comunidade, tal e como desvelou a conselleira de Educación, Cultura e Deporte, María Victoria Broto.
Fonte: Diario del Alto Aragón
Os servizos sociais de Aragón ofrecen a posibilidade de comunicarse telefonicamente en 50 idiomas
Un servizo de tradución telefónica ofrécelle á poboación inmigrante a posibilidade de comunicarse cos servizos sociais nalgún idioma distinto do castelán. A iniciativa, que comezou como proxecto piloto en novembro, está implantada en 75 centros públicos aragoneses e ofrece a posibilidade de comunicarse ata en 50 idiomas.
Fonte: El Periódico de Aragón
Aragón dispón de 72 programas bilingües con máis de 10.000 alumnos
A conselleira de Educación e Cultura de Aragón, María Victoria Broto, explicou nas Cortes que a Comunidade dispón de 72 programas bilingües nos centros educativos con máis de 10.000 alumnos.
Fonte: ABC
A Chunta Aragonesista reivindica o patrimonio lingüístico de Aragón e o desenvolvemento da Lei de linguas
CHA e Chobentú Aragonesista reivindicaron o carácter trilingüe de Aragón coas xornadas “País de tres lenguas/País de Tres Luengas/ Pais de Tres Llengües” celebradas en Morillo de Tou (Sobrarbe).
Fonte: Aragón Digital
O Concello de Zaragoza adapta a súa web á lingua de signos española
A páxina web do Concello de Zaragoza conta con seis servizos adaptados á lingua de signos española. A través de varios vídeos, o colectivo de persoas xordas poderá acceder aos contidos do mapa web, a benvida do alcalde, Zaragoza sen barreiras, turismo, queixas e suxestións, e xuventude.
Fonte: El Periódico de Aragón
Panticosa acolle unha xornada participativa para difundir a realidade trilingüe aragonesa
A primeira edición do "Charraire Fest", celebrado o pasado 12 de xuño en Panticosa, presentouse como unha xornada participativa con múltiples actividades festivas e culturais arredor da "realidade trilingüe aragonesa".
Fonte: Diario del Alto Aragón
Once concellos aragoneses recorren a Lei de linguas
Un total de once concellos aragoneses, entre eles os de Fraga e Lascuarre, decidiron presentar un recurso de inconstitucionalidade contra a Lei de linguas por entender que, "ao facerse efectiva a cooficialidade do catalán nos seus municipios, se están invadindo competencias municipais", informa o Partido Popular.
Fonte: Diario del Alto Aragón
Boletín
Subscríbase ao boletín
