Aragón
Asociacións da Franxa piden políticas en Aragón que preserven o catalán
As asociacións culturais da Franxa reclaman que se recoñezan a lingua catalá e a lingua aragonesa na lexislación autonómica e que se aseguren as medidas necesarias para a súa conservación nas comarcas onde é lingua histórica.
Fonte: ABC
O partido político aragonés CHA defenderá no Parlamento Europeo as linguas minoritarias de Aragón
O presidente da CHA (Chunta Aragonesista) defenderá en Estrasburgo as linguas minoritarias de Aragón, especialmente o aragonés, ante o “incumprimento” dos últimos gobernos autonómicos da Lei de linguas, do Estatuto de Autonomía e dos tratados internacionais.
Fonte: Diario Vasco
O borrador da nova lei de linguas de Aragón “pon énfase na protección”
A conselleira de Educación, Universidade, Cultura e Deporte do Goberno de Aragón, Dolores Serrat, manifestou que o borrador do anteproxecto de Lei de uso, protección e promoción das linguas e modalidades lingüísticas propias de Aragón, ou lei de linguas, suprime “o carácter impositivo” da anterior e “pon énfase” na promoción, protección e conservación destas.
Fonte: 20 minutos
Asociacións da Franxa de Aragón esixen o recoñecemento do catalán nesta comunidade
Iniciativa Cultural da Franxa, organización que reúne o conxunto de asociacións culturais das comarcas aragonesas nas que se fala catalán, criticou que o borrador da nova lei de linguas de Aragón non recoñeza “o dereito dos catalanfalantes” e rexeitaron que a denominación de “aragonés de uso predominante na área oriental” substitúa a de lingua catalá.
Fonte: La Vanguardia
O Concello de Zaragoza rexeita a modificación dunha lei que recorte dereitos lingüísticos
O pleno do Concello de Zaragoza aprobou unha moción pola que piden ao Goberno de Aragón o cumprimento de todas as previsións contidas na Lei de linguas de 2009 e rexeita calquera modificación legal que supoña un recorte dos dereitos lingüísticos dos aragoneses no uso do aragonés e o catalán.
Fonte: El Correo
A nova lei de linguas eliminará a normalización do uso do catalán en Aragón
A nova Lei de linguas de Aragón recollerá e protexerá a pluralidade lingüística da comunidade en dúas zonas concretas –Pireneos e área oriental-, pero elimina do documento a normalización do uso do catalán.
Fonte: El Correo
Os asistentes aos cursos de español para estranxeiros da Universidade de Zaragoza duplicaron os de 2011
O número de alumnos que asistiron este verán aos cursos de español que imparte a Universidade de Zaragoza en Jaca (Huesca), os máis antigos de España, “case duplicou” o do ano anterior dado que foron 110 fronte aos 60 da edición de 2011.
Fonte: El Correo
Un bronce atopado en Zaragoza enlaza a lingua celtibera co latín
O fragmento dunha táboa de bronce, atopado de forma fortuíta nas proximidades de Novallas (Zaragoza), enlaza a lingua celtibera co latín.
Fonte: Levante-emv
Diversos grupos aragoneses presentan 173 emendas á lei de linguas
A Mesa da comisión de Educación, Universidade, Cultura e Deporte das Cortes autonómicas cualificou 173 emendas ao proxecto de Lei de uso, protección e promoción das linguas e modalidades lingüísticas propias de Aragón.
Fonte: El Periódico de Aragón
O esperanto segue vivo en Aragón
En Aragón, un centenar de esperantistas velan por manter viva es lingua grazas ao labor da Asociación Frateco e a Fundación Esperanto.
Fonte: Heraldo
Boletín
Subscríbase ao boletín
