Asturias
Denuncian a precariedade do profesorado de asturiano
O sindicado SUATEA demanda melloras nas condicións de traballo do profesorado das materias de lingua asturiana e de galego-asturiano que, na maioría dos casos, traballa a media xornada.
Fonte: Nortes
Unha manifestación pola oficialidade do asturiano reúne centos de persoas en Oviedo
A Semana das Letras Asturianas conclúe cun movemento de reivindicación lingüística que reclama a reforma do Estatuto de Autonomía e a oficialidade do asturiano e do galego-asturiano para a próxima lexislatura.
Fonte: El Salto
Organízase unha manifestación pola oficialidade do asturiano e do galego-asturiano no Día das Letras Asturianas
Oviedo acolle a manifestación que organiza a Xunta pola Defensa da Lingua Asturiana (XDLA) hai máis de tres décadas e que se celebrará no Día das Letras Asturianas (6 de maio).
Fonte: La Vanguardia
Ponse en marcha unha campaña para animar á matriculación en asturiano
O Goberno do Principado lanzou unha campaña que, baixo o lema «Nun ye días máis voltas / Nun-y deas más vueltes», promove a matriculación do alumnado de primaria e secundaria en lingua asturiana ou eonaviego o vindeiro curso.
Fonte: La Nueva España
O Goberno do Principado publica un compendio xurídico sobre a lexislación relativa ao asturiano
Derechu llingüísticu del Principáu d’Asturies. Normativa y xurisprudencia é o primeiro compendio xurídico que reúne toda a lexislación e a xurisprudencia relativa á lingua asturiana dos últimos 40 anos.
Fonte: La Voz de Asturias
O tradutor Robin Munby recibe o título de embaixador da lingua asturiana
A asociación Iniciativa pol Asturianu entregou ao tradutor inglés Robin Munby o título de embaixador da lingua asturiana polo seu importante labor de tradución e difusión da lingua e cultura de Asturias.
Fonte: Asturias Mundial
Critican a falta de sensibilidade coa toponimia asturiana da Demarcación de Estradas do Estado en Asturias
A Xunta pola Defensa de la Llingua Asturiana (XDLA) denunciou a falta de sensibilidade que a Demarcación de Estradas do Estado en Asturias mostra coa toponimia tradicional en asturiano.
Fonte: Asturias Hoy
A Academia da Lingua Asturiana publica un estudo sobre o proceso histórico de escolarización do asturiano
Trátase da obra El proceso histórico de escolarización de la lengua asturiana: dimensiones políticas y sociales, do doutor Marcos Rodríguez, que recolle a súa tese de doutoramento e realiza unha análise cronolóxica do proceso histórico de escolarización desta lingua no seu contexto sociocultural.
Fonte: La Vanguardia
Publícase “Roméu y Xulieta", o clásico de Shakespeare en asturiano
Xa se pode ler o clásico de William Shakespeare traducido ao asturiano por Víctor Suárez e publicado pola editorial Cuatro Gotes. Con esta versión, son tres as obras do autor traducidas á lingua asturiana.
Fonte: La Nueva España
Un estudo revela o uso real do asturiano da poboación de Oviedo, Xixón e Avilés
A Academia da Lingua Asturiana presenta un estudo sociolingüístico sobre o coñecemento do asturiano nas cidades, que se centra na análise do nivel de habilidade lingüística da poboación adulta e que nega a crenza de que esta lingua é propia dos contextos máis rurais e illados de Asturias. Estes datos van permitir unha política lingüística máis realista e axustada á situación da comunidade.
Fonte: La Nueva España
Boletín
Subscríbase ao boletín
