O tradutor automático gratuíto Eslema.2 está a ser obxecto de varias melloras técnicas para lograr que o asturiano consiga un desenvolvemento tecnolóxico semellante ás linguas da súa contorna. Esta versión incorporará unhas 1800 novas entradas e 350 unidades fraseolóxicas, correccións gramaticais, novas regras de tradución e a actualización da toponimia e a microtoponimia.

Fonte: Crónicas de la Emigración

Baixo o lema «Ye nosa, ye pa ti / É nosa, é pra ti», a Consellería de Cultura, Política Lingüística e Turismo iniciou unha campaña para animar o alumnado e as súas familias a matricularse en asturiano e galego-asturiano nas etapas educativas de primaria, ESO e bacharelato.

Fonte: Galicia Confidencial

Con motivo da celebración da Semana das Letras Asturianas, máis de 2000 persoas percorreron as rúas de Oviedo para reclamarlle ao Goberno do Principado que impulse a oficialidade do asturiano.

Fonte: El Comercio

O Goberno do Principado de Asturias aprobou o decreto polo que se crea e regula a Rede de Normalización Lingüística, un órgano que ten como obxectivo reforzar a coordinación entre a Administración autonómica e a local para fomentar o uso do asturiano e o eonaviego.

Fonte: La Voz de Asturias

A organización Iniciativa pol Asturianu entregoulles en Mieres ás Tanxugueiras a distinción de Embaixadoras da Lingua Asturiana. O trío galego, ademais, mostrou o seu apoio á oficialidade durante a celebración dun concerto.  

Fonte: Asturies.com

‘La sidra, como siempre se dixo’ é o lema desta campaña impulsada polo Goberno do Principado e para a que se crearon 60 000 folletos e 2000 carteis. A iniciativa pretende dar a coñecer entre a cidadanía o vocabulario en asturiano vinculado coa cultura da sidra.  

Fonte: Asturies.com

Solicitaranlles nunha reunión á ministra de Educación e Formación Profesional e ao secretario de Estado de Educación a aprobación da Especialidade Docente para o profesorado de Asturiano.

Fonte: Onda Cero

A conselleira de Educación anunciou o incremento no Bacharelato da carga horaria da materia de lingua asturiana, que actualmente é dunha hora, así como un reforzo na etapa de Infantil. Ademais, abordou a creación da especialidade docente de asturiano, que afecta ás condicións das persoas interinas.

Fonte: La Voz de Asturias

Segundo un estudo da Universidade de Oviedo, o mercado e a industria da lingua en Asturias supón o 5 % do valor engadido bruto (VAB) e o 7,3 % do emprego, un peso económico semellante ao da produción de enerxía ou a construción.

Fonte: La Voz de Asturias

Centos de persoas concentráronse en Oviedo para reclamar a oficialidade das linguas de Asturias e esixir o recoñecemento dos dereitos lingüísticos da cidadanía asturiana.

Fonte: Gente Digital