Asturias

Un deputado de Sumar empregará a lingua asturiana no Congreso

O deputado de Sumar por Asturias, Rafa Cofiño, asegurou que o asturiano tamén se empregará no Congreso dos Deputados tras afirmar que se expresará nesta lingua nalgunha das súas intervencións.

Fonte: Europapress

Asturias

A nova estrutura do Goberno de Asturias incorporará por vez primeira unha Subdirección Xeral de Política Lingüística

A Subdirección Xeral de Política Lingüística analizará e proporá medidas para o desenvolvemento da lexislación relativa á normalización do uso do asturiano e do galego-asturiano, así como criterios lingüísticos en materia de contratación, publicacións, subvencións etc., entre outras funcións.

Fonte: La Voz de Asturias

Asturias

A Feira Internacional de Mostras de Asturias celebra o II Día da Lingua Asturiana

O 19 de agosto a Feira Internacional de Mostras de Asturias celebra o II Día da Lingua Asturiana, que inclúe un amplo programa de actividades cuxo obxectivo é a posta en valor deste idioma.

Fonte: La Voz de Asturias

Asturias

O Premio de Poesía en Lingua Asturiana Fernán-Coronas xa ten gañador

O gañador do XXIX Premio de Poesía en Lingua Asturiana Fernán-Coronas é Pablo X. Suárez coa obra Entamos d’onomástica pola que recibirá 900 euros e a súa publicación.

Fonte: Asturies.com

Asturias

Medra o número de empresas do Principado que utiliza o asturiano

O posto que ten na Feira Internacional de Mostras de Asturias (FIDMA) a entidade Iniciativa polo Asturiano evidencia o incremento do número de empresas de diferentes sectores que prestan os seus servizos e produtos en lingua asturiana.

Fonte: Asturies.com

Asturias

O pleno do Concello de Xixón aproba unha moción a prol da música en asturiano

O pleno do Concello de Xixón aprobou a moción presentada dende a iniciativa «Música n’asturianu SÍ» impulsada por unha agrupación de músicos, empresas e asociacións vinculada á música asturiana.

Fonte: Nortes

Asturias

Publican a novela gañadora en asturiano do premio Andrés Solar

Impronta Editorial publicou La guerra del medrosu, novela en asturiano de Gonzalo Barreñada, vencedora da segunda edición do premio Andrés Solar da Oficina de Normalización Lingüística do Concello de Xixón.

Fonte: La Nueva España

 

Asturias

A Academia da Lingua Asturiana escribe un comunicado para rexeitar o veto de Vox ás manifestacións culturais en asturiano

A Academia da Lingua Asturiana emitiu un comunicado en que rexeita a intención do partido político Vox de vetar as manifestacións culturais e artísticas en lingua asturiana e mostrouse contraria a calquera intento de minguar o uso social do idioma.

Fonte: Nortes

Asturias

Duplícanse nos últimos anos as obras traducidas ao asturiano e ao galego de Asturias

Nos últimos catro anos, duplicáronse as obras traducidas ao asturiano e ao galego de Asturias. Do 2019 ao 2022 publicáronse un todal de 58 traducións fronte ás 31 dos catro anos anteriores.

Fonte: RTPA

Asturias

Publícase o primeiro manual para facilitar o uso do asturiano na Administración pública

O Principado elaborou o Manual de llinguaxe alministrativu en llingua asturiana que ten como obxectivo dotar o persoal da Administración dunha ferramenta de normalización léxica e lingüística que inclúe documentos como requirimentos, resolucións, declaracións responsables, anuncios, bases reguladoras, certificacións, licenzas, actas etc.

Fonte: La Voz de Asturias

Asturias

Boletín

Subscríbase ao boletín

Logo Feder