Asturias
Unha curtametraxe en asturiano recibe un premio no festival de cine rural de Saldaña
A curtametraxe“"A fiya del sastre", que está rodado en asturiano, recibiu un premio no festival de curtas Cine Rural de Saldaña, en Palencia.
Fonte: Asturnews
Máis de 17 000 alumnos de Primaria escollen a materia de lingua asturiana
O estudo da lingua asturiana nos centros educativos de Primaria conta actualmente con 17 000 alumnos, é dicir, un 53 % do total, unha cifra moi superior ao 15,43 % en Secundaria ou o 3,58 % en Bacharelato.
Fonte: Te Interesa
Defenden a dobraxe de debuxos animados en lingua asturiana
O xornalista Damián Barreiro defendeu a creación dunha industria de tradución de debuxos animados ao asturiano co obxectivo de transmitir a lingua propia e crear empregos.
Fonte: 20 minutos
A reivindicación pola oficialidade do asturiano acada 1 600 000 impresións en Twitter
Iniciativa polo Asturiano cifrou en 1 600 000 as impresións en Twitter do hashtag pola oficialidade do asturiano realizadas o mesmo día en que se celebraron manifestacións a favor da promoción desta lingua no Principado.
Fonte: Asturnews
Reclaman maior presenza do asturiano na televisión pública de Asturias
A Xunta pola Defensa da Lingua Asturiana reclamou unha maior presenza da lingua asturiana na televisión pública de Asturias, dado que ata agora a súa presenza é de tipo anecdótico e non regular.
Fonte: Asturnews
Denuncian o maltrato ao asturiano na xornada electoral
A Xunta pola Defensa da Lingua Asturiana denunciou o maltrato á lingua propia do Principado durante a xornada electoral, dado que nalgúns lugares as papeletas escritas nesa lingua foron retiradas das mesas.
Fonte: Asturnews
A Consellería de Educación de Asturias inicia unha campaña para aumentar as matriculacións en asturiano
A Consellería de Educación, Cultura e Deporte de Asturias puxo en marcha unha campaña para que os escolares se matriculen na materia de lingua asturiana, co obxectivo de fomentar o seu uso e darlle maior visibilidade.
Fonte: Asturnews
Concelleiros de máis de vinte concellos de Asturias xuran os seus cargos en asturiano
En resposta a unha campaña de Iniciativa polo Asturiano, concelleiros de máis de vinte concellos de Asturias xuraron os seus novos cargos en lingua asturiana, o que consideran un éxito desde a organización.
Fonte: Asturnews
Iniciativa polo Asturiano denunciará a situación do asturiano ante a ONU
A situación da lingua asturiana en España chegará ata a ONU da man de Iniciativa polo Asturiano, que denunciará os ataques sufridos por esta lingua.
Fonte: Asturias 24
Iniciativa polo Asturiano informa de que a solución aos problemas desta lingua pasa pola súa oficialidade
Tras a súa visita á ONU para expor a situación do asturiano e os problemas que afronta, a delegación de Iniciativa polo Asturiano informou das conclusións da súa viaxe e lembrou que a solución aos problemas desta lingua pasa pola súa oficialidade.
Fonte: La Nueva España
Boletín
Subscríbase ao boletín
