Castela e León
Esquerda Unida Valladolid propón que os plenos municipais se traduzan á lingua de signos
O Grupo Municipal de Esquerda Unida propuxo que se traduzan os plenos municipais á lingua de signos e se incorpore a imaxe dos intérpretes nun recadro do vídeo no que se gravan esas sesións.
Fonte: Europa Press
A Junta de Castela e León impulsa a educación bilingüe en francés entre alumnos e profesores
A Consellería de Educación impulsou o bilingüismo en francés en Castela e León, con formación específica para docentes, intercambio de alumnos e profesores e programas de mobilidade estudantil.
Fonte: ABC
Publican un atlas lingüístico de comarcas zamoranas
O Instituto de Estudos Zamoranos Florián de Ocampo, xunto coa Deputación de Zamora e Caja España-Duero, acaba de publicar o Atlas lingüístico da Sanabria Interior e de La Carballeda-La Requejada (comarcas zamoranas), baseado no caderno do traballo de campo que o filólogo alemán Fritz Krüger realizou durante a súa viaxe por Sanabria no ano 1921-1922.
Fonte: Qué!
A Asociación Faceira critica o Goberno de Castela e León por negarse a cumprir o Estatuto de Autonomía no relativo ao leonés
A Asociación Cultural Faceira criticou o Goberno de Castela e León porque, ao seu xuízo, se nega a cumprir o artigo 5.2 do Estatuto de Autonomía, no que se establece a “protección específica” do leonés e a necesidade de regular a súa “protección, uso e promoción”.
Fonte: Europa Press
Iniciativa polo Asturiano e colectivos a prol do leonés reúnense para establecer canles de colaboración
Representantes de Iniciativa polo Asturiano viaxaron a territorio leonés e tiveron un primeiro contacto coas organizacións que integran o movemento de reivindicación lingüística leonesa para coñecer o labor e a actividade que desenvolven en León e Zamora, así como para abrir canles de comunicación e cooperación futuros.
Fonte: Asturnews
A asociación Xarmenta teme que os recortes afecten ao ensino do galego no Bierzo
A Asociación Berciana da Lingua, Xarmenta, manifestou os seus temores porque os recortes que se están aplicando en Educación poidan afectar ao programa de ensino do galego nos centros do Bierzo.
Fonte: Diario de León
A asociación berciana Xarmenta defende a continuidade do galego na apertura da matriculación para o vindeiro curso
Con motivo do inicio do período de matriculación para o curso 2012-2013, a Asociación Berciana da Lingua Xarmenta lembrou que, «segundo se recolle no Protocolo de colaboración asinado pola Xunta de Galicia e a Junta de Castilla y León, os centros adscritos ao Programa para a Promoción do Idioma Galego deben outorgarlle continuidade, proporcionando información obxectiva e facilitando a incorporación voluntaria dos alumnos».
Fonte: Diario de León
O Instituto da Lingua de Castela e León reforzarase como centro de transferencia de coñecemento da lingua española
O Instituto da Lingua de Castela e León (ILCYL) pretende reforzar o seu papel como centro de transferencia do coñecemento do español ao sector produtivo. Por este motivo, proxectou para o próximo curso académico máis de 70 actividades, practicamente unha por semana, en diversos puntos da comunidade.
Fonte: ABC
A Xunta de Castela e León destaca que a lingua española aínda xera emprego na rexión
O director de Políticas Culturais da Xunta de Castela e León, José Ramón Alonso, destacou que «aínda que sinalaba que o sector do español estaba chegando ao tope na rexión, este creceu un 13,5 por cento con respecto ao ano pasado, polo que augurou que á comunidade lle queda moito por crecer».
Fonte: Diario de León
O Instituto Castelán e Leonés da Lingua recibe 165 000 euros para promover o español e a cultura de Castela e León
O Consello de Goberno da Xunta de Castela e León aprobou un investimento de 165 000 euros para promover o español e a cultura de Castela e León a través da Fundación Instituto Castelán e Leonés da Lingua.
Fonte: Europa Press
Boletín
Subscríbase ao boletín
