Cataluña
O Goberno de Cataluña aproba o decreto de creación do Consello Social da Lingua de Signos Catalá
O Goberno aprobou o decreto de creación do Consello Social da Lingua de Signos Catalá, o órgano de asesoramento, consulta e participación social na política lingüística do Goberno en relación coa lingua de signos catalá.
Fonte: Generalitat de Catalunya
A Fundación Joan Miró e o Consorcio pola Normalización Lingüística promoverán o uso social do catalán
A presidenta do Consorcio para a Normalización Lingüística e a directora da Fundación Miró van asinar un convenio de colaboración que ten o obxectivo de promover e difundir a lingua, a historia e a cultura catalás entre a poboación, especialmente entre a mocidade.
Fonte: Generalitat de Catalunya
O catalán é a lingua dominante na Wikipedia no conxunto do Estado español
A presenza do catalán na Wikipedia, a enciclopedia libre, duplica a do castelán no Estado español, segundo un estudo de Mark Graham, investigador da Universidade de Oxford.
Fonte: Generalitat de Catalunya
O novo sistema operativo Windows 8 inclúe o catalán como lingua de base
O novo sistema operativo Windows 8 inclúe o catalán como lingua de base desde o primeiro día en todos os equipos que se vendan en España, segundo explicou o director de servizo público de Microsoft Ibérica, Carles Grau.
Fonte: Finanzas
Un selo identificará as entidades que fomenten o uso do catalán
A Dirección Xeral de Política Lingüística do Departamento de Cultura creou unha identificación gráfica para as entidades que formen parte do censo de entidades que fomenten a lingua catalá para aplicala, se queren, nos seus produtos e servizos.
Fonte: Generalitat de Cataluña
Unha web recolle a primeira gramática da lingua de signos catalá
O Instituto de Estudos Cataláns e a Federación de Persoas Xordas de Cataluña crearon unha páxina web que recollerá todos os recursos lingüísticos sobre a lingua de signos catalá, entre os que destaca a primeira gramática.
Fonte: ABC
Lanzan a primeira web en catalán de ofertas e compras en grupo por cupóns
Un grupo de mozos emprendedores lanzou a primeira web de ofertas e compras en grupo por cupóns en catalán, bautizada como “Catoferta.cat” e que xa se atopa activa en internet.
Fonte: Finanzas
A Generalitat de Cataluña organiza unha exposición para celebrar os 30 anos de campañas de promoción do catalán
“Avancem amb el català. 30 anys treballant per la llengua” (Avancemos co catalán, 30 anos traballando pola lingua) é o título da exposición conmemorativa dos 30 anos de campañas de promoción do uso do catalán que se poderá visitar no Palau Robert entre o 29 de novembro de 2012 e o 8 de xaneiro de 2013.
Fonte: Generalitat de Catalunya
A Plataforma pola Lingua lanza unha campaña que invita os cidadáns a gravar en vídeo as súas razóns para falar catalán
A ONG do catalán creou unha campaña para colocar a situación da lingua no debate público e denunciar os constantes ataques que recibe o catalán desde hai un tempo e que obstaculizan o proceso de normalización.
Fonte: Generalitat de Cataluña
As consellerías catalás de Cultura e Xustiza renovan a colaboración co Consello do Colexio de Avogados para fomentar o catalán
O conselleiro de Cultura en funcións, a conselleira de Xustiza en funcións, o presidente da Oficina de Apoio ás Iniciativas Culturais e o presidente do Consello do Colexio de Avogados de Cataluña asinaron un acordo para fomentar o uso, a difusión e o coñecemento do catalán entre os avogados.
Fonte: Generalitat de Catalunya
Boletín
Subscríbase ao boletín
