O Tribunal Constitucional decidiu manter en suspenso a lei autonómica do aranés, que pretende establecer como ‘preferente’ a lingua aranesa no Val de Aran (Lleida) aínda que na comarca existen tres linguas oficiais en igualdade de condicións.

Fonte: La Voz de Barcelona

A Generalitat insta a todos os empregados da sanidade pública a falar en catalán durante a súa xornada laboral. Os servizos territoriais de saúde de Tarragona distribuíron un protocolo de 12 páxinas que obriga a todos os facultativos a falar entre eles nesta lingua e a dirixirse tamén en catalán aos pacientes.

Fonte: El País

O portavoz do Goberno catalán, Francesc Homs, asegurou que non hai contradición en recoñecer que o castelán tamén é lingua vehicular en Cataluña e manter a inmersión lingüística nas escolas.

Fonte: ABC

A Consellería de Saúde da Generalitat anunciou a creación dunha tarxeta sanitaria en braille pensada para persoas cegas, unha iniciativa que arranca cunha proba piloto que se prolongará durante o mes de febreiro.

Fonte: La Información

Apple liberou unha actualización do seu sistema operativo para ordenadores Mac OS X Lion, que permite utilizar o programa en catalán.

Fonte: El Periódico

Centos de manifestantes asistiron á concentración organizada pola Asociación Escola en Catalán para esixir que o catalán sexa a única lingua vehicular nas escolas de Cataluña.

Fonte: La Vanguardia

A asociación Escola en Catalán anunciou que promoverá unha campaña de “insubmisión lingüística” fronte á interlocutoria do Tribunal Superior de Xustiza de Cataluña (TSJC) que prevía que o castelán fose tamén lingua vehicular no ensino.

Fonte: ABC

A Generalitat de Catalunya impuxo durante o ano 2011 un total de 226 sancións a comercios ou empresas por incumprir a obriga de rotular ou etiquetar os seus produtos “como mínimo” en lingua catalá, de acordo co Código de Consumo e a Lei de normalización lingüística.

Fonte: e-noticies

A Generalitat de Catalunya obrigará a operadora do servizo de trens rexionais e de proximidade a mellorar os indicadores de calidade “garantindo o uso prioritario do catalán na relación cos viaxeiros”, entre outras medidas.

Fonte: E-noticies

A Corporación Catalá de Medios Audiovisuais destinará 150 000 euros á “contratación do servizo de impresión da súa papelería corporativa” e 32 millóns a dobrar películas ao catalán.

Fonte: El Periodista Digital