Cataluña
O Departamento de Educación de Cataluña dá o seu apoio a proxectos empresariais que impulsen o uso do catalán
O Departamento de Cultura da Generalitat de Catalunya, a través da Dirección Xeral de Política Lingüística, dá o seu apoio a 34 proxectos empresariais que impulsen o uso do catalán. Destes, 31 son do ámbito das novas tecnoloxías e os 3 restantes están relacionados co uso do catalán na atención ao público.
Fonte: Gencat
Unha decena de autores en español podería optar ao Premio Nacional da Generalitat de Catalunya
As recentes declaracións do presidente do Consello Nacional da Cultura e as Artes (Conca), Carles Duarte, nas que consideraba a posibilidade de que un escritor catalán en lingua castelá poida obter o Premio Nacional de Literatura que outorga cada ano a Generalitat, propician unha posible selección de autores que poderían barallarse entre os galardoables de 2013.
Fonte: El Periódico
A Generalitat de Cataluña destina 1,4 millóns de euros a fomentar o catalán en universidades de fóra de Cataluña
O Instituto Ramón Llull, organismo da Generalitat que ten como finalidade a “proxección exterior da lingua e cultura catalás”, repartiu un total de 1 496 486 euros de subvencións entre universidades de fóra de Cataluña para contribuír ao financiamento da docencia de estudos cataláns.
Fonte: ABC
Propoñen a creación dunha asociación de profesores de catalán para estranxeiros
O ex-director do Instituto Cervantes en Dublín, José Antonio Sierra, pretende presentar unha asociación de profesores de catalán para estranxeiros ou como lingua estranxeira para así resaltar a importancia da lingua catalá tanto en España como a nivel internacional.
Fonte: Salamanca 24 horas
A Plataforma pola Lingua lanza un xogo en liña sobre o catalán
A Plataforma pola Lingua lanzou o Catavolta 2.0, un xogo dixital con preguntas sobre a lingua catalá e a súa situación social e legal. Pódese participar a través da web da entidade e tamén desde Facebook.
Fonte: Gencat
Aumenta a demanda para estudar alemán nas escolas de idiomas de Cataluña
Segundo os datos do Departamento de Educación, inscribíronse máis de 17 000 persoas para facer alemán, 5000 máis que o ano pasado, para pouco máis de 8000 prazas dispoñibles. O incremento medio é do 30 %, aínda que hai centros nos que se chegou ata un 50 % máis de preinscritos.
Fonte: La Vanguardia
Cataluña e o Concello francés de Tolosa cooperan para fomentar a lingua e a cultura occitanas
O Departamento de Cultura de Cataluña, o concello de Tolosa e a federación de entidades culturais Converxencia Occitana manterán unha reunión para estudar as posibles liñas de actuación para fomentar a lingua e a cultura occitanas, que se formalizará nun futuro convenio de colaboración permanente.
Fonte: Generalitat de Catalunya
O Goberno catalán promove proxectos empresariais que impulsen o uso do catalán
Por primeira vez este ano, a Generalitat de Cataluña convocou unha liña específica de subvencións, dotada con 200 000 euros, dirixida a iniciativas de empresas que promovan o uso da lingua catalá.
Fonte: Generalitat de Catalunya
A Generalitat de Catalunya inicia unha campaña para conseguir máis espectadores nas salas con versión en catalán dos filmes
"T'agradarà sentir-la en català" é a frase que acompañará as películas que se estreen dobradas en catalán co apoio da Dirección Xeral de Política Lingüística do Departamento de Cultura. O obxectivo é conseguir máis presenza de espectadores nas salas onde se emiten versións catalás dos filmes.
Fonte: Generalitat de Catalunya
A Confederación de Persoas Xordas lamenta que non se garantan intérpretes de lingua de signos catalá nas aulas
A Confederación Estatal de Persoas Xordas (CNSE) lamenta que o Parlamento de Cataluña rexeitase a proposta de Resolución 64, que instaba a Generalitat a garantir ao alumnado xordo a presenza de intérpretes de lingua de signos catalá (LSC) con dedicación plena en todos os niveis educativos obrigatorios e postobrigatorios.
Fonte: La Información
Boletín
Subscríbase ao boletín
