Cataluña
O Tribunal Superior de Xustiza de Cataluña ordena adaptar a educación en catalán e castelán para nove alumnos
O alto tribunal catalán insta a Generalitat a adoptar medidas preventivas para garantir que nove alumnos de infantil, primaria e secundaria teñan tamén o castelán como lingua vehicular.
Fonte: El Diario
O Consorcio pola Normalización Lingüística potencia o uso do catalán en empresas
O Consorcio pola Normalización Lingüística impartirá cursos en liña e semipresenciais para potenciar o uso do catalán no contorno laboral, dado que considera esta lingua como unha ferramenta de competitividade para empresas e empregados.
Fonte: Qué!
A páxina web Softcatalà pechou 2012 con 826 151 descargas de software en catalán
Softcatalà é unha asociación sen ánimo de lucro que traballa na difusión da lingua catalá no sector informático relacionado con internet e as novas tecnoloxías. En 2012, a súa páxina web rexistrou 24 102 024 visitas e 826 151 descargas de software en catalán desde esta.
Fonte: Finanzas
A Generalitat de Cataluña premia os alumnos que lles ensinan catalán aos seus compañeiros
A Generalitat promove unha compensación na avaliación dos alumnos de primaria que colaboren e participen na aprendizaxe do catalán dos seus compañeiros nas aulas.
Fonte: La Razón
Admiten a trámite un recurso contra o Concello de Barcelona por excluír o castelán nun centro deportivo
O Xulgado Contencioso Administrativo número 7 de Barcelona admitiu a trámite o recurso presentado por Alternativa Cidadá Progresista (ACP) contra o Concello de Barcelona por excluír o español de ‘todas as informacións, escritas e visuais’ das instalacións dun centro municipal deportivo do Ensanche da cidade.
Fonte: La Voz de Barcelona
A Generalitat de Cataluña subvenciona a promoción do catalán nas comunidades catalás do exterior
O Departamento de Presidencia subvencionou con máis dun millón de euros as comunidades catalás no estranxeiro. Considéranse comunidades catalás no “exterior” as de Madrid, Zaragoza e Sevilla.
Fonte: e-Notícies
Convócanse as probas para obter os certificados oficiais de lingua catalá
Abriuse o prazo de inscrición nas probas para a obtención de certificados oficiais de lingua catalá da Dirección Xeral de Política Lingüística do Departamento de Cultura.
Fonte: Generalitat de Catalunya
A cooperativa Llet Nostra impulsa unha acción a favor da etiquetaxe en catalán
A cooperativa leiteira Llet Nostra iniciou unha acción en Facebook para fomentar a etiquetaxe en catalán mediante o slogan "Keep calm and label in catalan".
Fonte: Generalitat de Catalunya
Plataforma pola Lingua lanza unha web para que os camareiros aprendan catalán
A Plataforma pola Lingua e a Fundación Vincle lanzaron unha páxina web para que os traballadores dos bares e restaurantes poidan aprender de forma “áxil e rápida” os termos en catalán que se utilizan con máis frecuencia no seu traballo.
Fonte: Europa Press
Cataluña pon en marcha unha oficina de turismo virtual en Facebook que atende consultas en seis linguas
O Departamento de Empresa e Ocupación puxo en marcha unha oficina de turismo en Facebook. O servizo, denominado “Ask the office”, atenderá consultas en catalán, castelán, inglés, francés, italiano e alemán.
Fonte: Generalitat de Cataluña
Boletín
Subscríbase ao boletín
