Cataluña
O TERMCAT difunde a terminoloxía do motociclismo en catalán con motivo do Gran Premio de Cataluña
Con motivo da celebración do Gran Premio de Cataluña no Circuíto de Montmeló, o Centro de Terminoloxía difundiu na sección “O apunte terminolóxico” da súa páxina web termos específicos do mundo do motociclismo e o motor.
Fonte: Generalitat de Cataluña
A asociación Consumcat constata un “baleiro legal” no uso do catalán na publicidade da rúa
A Asociación Catalá Consumidores (Consumcat) concluíu nun estudo que hai “un baleiro legal insólito” nas leis lingüísticas catalás, ao non establecer a obrigatoriedade de usar o catalán na publicidade na rúa, senón que son os municipio quen poden regulalo.
Fonte: ABC
O uso do catalán na comunicación das pemes chega ao 70 %, segundo un estudo de PIMEC e o Departamento de Cultura de Cataluña
A directora xeral de Política Lingüística, Ester Franquesa, e o secretario xeral de PIMEC, Antoni Cañete, fixeron públicos os resultados dun estudo realizado por PIMEC que sinala que o catalán é a lingua predominante nas pemes catalás, xa que o 70 % da comunicación nestas empresas se fai nesta lingua.
Fonte: Generalitat de Cataluña
O grupo parlamentario de CiU pide que o catalán sexa obrigatorio para traballar no ámbito xudicial
CiU pediulle ao Goberno que o coñecemento da lingua cooficial e o do dereito propio da comunidade autónoma de destino sexa considerado un requirimento para traballar no ámbito xudicial.
Fonte: La Vanguardia
A Confederación de Comercio de Cataluña difundirá a campaña “Abertos ao turismo, en catalán” no Baixo Ebro
O Consello Comarcal do Baixo Ebro e a Confederación de Comercio de Cataluña asinaron un convenio para difundir a campaña “Abertos ao turismo, en catalán” nesta comarca. A primeira acción que levarán a cabo será a adaptación da guía de benvida a Cataluña El Baix Ebre, mosaic de constrastos (O Baixo Ebro, mosaico de contrastes).
Fonte: Generalitat de Cataluña
A UXT de Cataluña e a Dirección Xeral de Política Lingüística traballan conxuntamente para fomentar o catalán no ámbito laboral
O obxectivo é establecer o marco de actuación máis adecuado para levar a cabo accións de promoción do emprego da lingua catalá, de acordo co Plan de fomento de uso do catalán no sector laboral.
Fonte: Generalitat de Catalunya
Os inmigrantes necesitarán un nivel determinado de lingua catalá para regular a súa situación administrativa
O Departamento de Benestar e Familia da Generalitat de Cataluña publicou unha instrución que regula os criterios para a elaboración de informes de estranxeiría. Entre as novidades que recolle, se determina que o nivel de coñecemento do catalán necesario para a regulación da situación administrativa é o nivel A1 do Marco europeo de referencia para as linguas do Consello de Europa que permite conversar de forma sinxela e resolver as necesidades básicas da vida cotiá.
Fonte: Generalitat de Cataluña
Plataforma pola Lingua denuncia nun vídeo a situación excepcional que vive o catalán na Unión Europea
A Plataforma pola Lingua e a Fundación Vincle contan nun vídeo a situación excepcional que vive o catalán dentro da Unión Europea. O vídeo, feito a raíz da entrada de Croacia o pasado luns 1 de xullo, como membro número 28 da Unión Europea, denuncia a situación que vive actualmente o catalán e compáraa con outras linguas cun número de falantes similar e incluso menor que si son oficiais na Unión.
Fonte: El Periódico
O Goberno de Cataluña reforzará o estudo da terceira lingua nos institutos
O Departamento de Educación activará o próximo curso en institutos, de forma piloto, o Plan de Acción para o Plurilingüismo Efectivo do alumnado, co obxectivo de reforzar a lingua estranxeira entre os estudantes cataláns.
Fonte: El Mundo
Comisións Obreiras e a Dirección de Política Lingüística de Cataluña fomentan o uso do catalán no ámbito laboral
Esta colaboración inscríbese no Plan de Fomento de uso do catalán no sector laboral que a Dirección Xeral de Política Lingüística leva a cabo con diversas organizacións deste ámbito.
Fonte: Generalitat de Cataluña
Boletín
Subscríbase ao boletín
