Cataluña
O portal de intercambio de arquivos Mega incorpora o catalán
O novo portal de intercambio de arquivos, Mega, xa está dispoñible en 32 idiomas distintos, entre os que se inclúe o catalán. Despois de seis semanas de vida e grazas á colaboración dos usuarios do servizo, Mega está dispoñible en novos idiomas.
Fonte: Yahoo Finanzas
O Tribunal Supremo avala o modelo lingüístico da escola catalá
O Tribunal Supremo deulle a razón á Generalitat en canto ao modelo lingüístico da escola catalá. Segundo a sentenza, a demanda dos recorrentes (unha familia que demandaba o castelán como a lingua vehicular para todo o sistema educativo) non é procedente e o tribunal confirma que se trata dunha situación xurídica individualizada.
Fonte: Generalitat de Catalunya
Inician o proxecto ‘A aplicación da semana’ para fomentar o uso das aplicacións móbiles en catalán
Coincidindo co Mobile World Congress 2013, a Dirección Xeral de Política Lingüística do Departamento de Cultura inicia o proxecto “A app da semana”, co obxectivo de dar a coñecer a oferta de aplicacións en catalán e fomentar o seu uso.
Fonte: Generalitat de Catalunya
Once cidades acollen manifestacións simultáneas en defensa do catalán
Entidades e asociacións cívicas do movemento Enlazados pola Lingua fixeron un chamamento a apoiar as manifestacións simultáneas convocadas para o sábado, 9 de marzo, en todo o territorio dos Países Cataláns en defensa do catalán.
Fonte: 20 minutos
A rede social Badoo xa está dispoñible en catalán
Badoo é unha das redes sociais de citas máis importantes do mundo e conta con máis de 170 millóns de usuarios. Desde a súa creación, fóronse incorporando idiomas ata ofrecer os seus servizos en 40 linguas distintas. “Actualmente hai máis de dez millóns de persoas no mundo que falan catalán”, explican no seu blog, por este motivo decidiron engadir a lingua catalá no seu portal.
Fonte: El Periódico
Plataforma pola Lingua rexistra 501 queixas por falta de atención e etiquetaxe en catalán
Plataforma pola Lingua rexistrou un total de 501 queixas polas deficiencias de atención lingüística escrita ou oralmente en catalán en comercios, empresas e establecementos e tamén por incumprimentos do dereito do consumidor en materia de etiquetaxe.
Fonte: Europa Press
Nace Aplica’t, unha nova aplicación de lingua catalá
Aplica’t é unha aplicación en lingua catalá dedicada á análise de dúbidas, dificultades e incorreccións, con explicacións e equivalencias en castelán e inglés. A aplicación axudará aos usuarios a ampliar o seu vocabulario e a mellorar a precisión léxica mediante exercicios e actividades interactivas.
Fonte: Generalitat de Catalunya
Organizan o primeiro curso de lingua de signos catalá para as persoas xordas por internet
O Casal Social do Xordo de Manresa e a Fundación Althaia asinaron un acordo para organizar o primeiro curso de lingua de signos catalá en liña. Segundo informaron os organizadores do curso, trátase da primeira vez en España que se fará un curso de lingua de signos por internet.
Fonte: Tecnosord
O Barça impulsa unha guía lingüística para fomentar o catalán no deporte
A Fundación do FC Barcelona e a Plataforma per la Llengua impulsaron unha guía lingüística para fomentar o uso do catalán entre os máis pequenos no mundo do deporte como vía de “inclusión e cohesión social”, con testemuñas de ex deportistas azulgrás e recoñecidos xornalistas.
Fonte: La Vanguardia
O catalán deixa de ser a lingua preferente nas deputacións de Lleida e Xirona
O Tribunal Superior de Xustiza de Cataluña estimou parcialmente os recursos de Convivencia Cívica Catalá contra os regulamentos das deputacións de Lleida e Xirona, e anulou os artigos que establecían o uso “preferente” do catalán porque unha administración non pode determinar a priori o uso dun idioma por riba doutro cando ambos son oficiais.
Fonte: 20 minutos
Boletín
Subscríbase ao boletín
