Cataluña
O Tribunal Superior de Xustiza de Cataluña ratifica o catalán como lingua vehicular do ensino
O Tribunal Superior de Xustiza de Cataluña ratificou o catalán como lingua “vehicular do ensino, administrativa e de comunicación utilizada normalmente” nas actividades dos centros escolares.
Fonte: El Periódico
As universidades catalás farán unha proba común de acceso en catalán
O Goberno e os reitores das universidades catalás póñense de acordo para evitar que os estudantes accedan á carreira sen competencias na lingua propia.
Fonte: El Punt Avui
Lanzan unha campaña para potenciar o xoguete en catalán, presente no 6 % do mercado
O Centro de Normalización Lingüística de Barcelona lanzou a campaña de Nadal ‘I tu jugues en català?’ (E ti, xogas en catalán?), unha iniciativa para fomentar o uso do catalán no sector do xoguete, xa que este idioma está presente só no 6 % das embalaxes.
Fonte: Qué!
A Generalitat de Cataluña regula o catalán nas garderías
A Generalitat de Cataluña anuncia que regulará, a través dunha disposición, o uso da lingua catalá nas garderías co fin de conseguir que os rapaces entre 0 e 3 anos cheguen á etapa curricular co «catalán como lingua de aprendizaxe e comunicación».
Fonte: ABC
O catalán segue crecendo e achégase aos 10 millóns de falantes
Esta é unha das afirmacións que se inclúen no Informe sobre a situación da lingua catalá (2011), elaborado pola Xarxa CRUSCAT do Instituto de Estudos Cataláns (IEC), por encargo do Observatorio da Lingua Catalá.
Fonte: Generalitat de Catalunya
Crean Appsencatala.cat, o portal das aplicacións móbiles en catalán
Co apoio da Dirección Xeral de Política Lingüística do Departamento de Cultura, o portal Appsencatalà.cat, permite localizar rápida e facilmente calquera aplicación móbil, obter información de calidade e acceder ao provedor virtual onde se pode adquirir ou descargar.
Fonte: Generalitat de Catalunya
O catalán consolídase con dous millóns de falantes, pero mantén profundos desequilibrios territoriais
O 70,7% da poboación dos territorios de lingua catalá declara que sabe falar catalán, o 91,3% enténdeo e o 50,3% afirma, por primeira vez, que o sabe escribir. Porén, o nivel de coñecemento e uso desta lingua nos diferentes territorios é moi heteroxéneo.
Fonte: Xarxa CRUSCAT
O Tribunal Superior de Xustiza de Cataluña ordena adaptar a educación en catalán e castelán para nove alumnos
O alto tribunal catalán insta a Generalitat a adoptar medidas preventivas para garantir que nove alumnos de infantil, primaria e secundaria teñan tamén o castelán como lingua vehicular.
Fonte: El Diario
O Consorcio pola Normalización Lingüística potencia o uso do catalán en empresas
O Consorcio pola Normalización Lingüística impartirá cursos en liña e semipresenciais para potenciar o uso do catalán no contorno laboral, dado que considera esta lingua como unha ferramenta de competitividade para empresas e empregados.
Fonte: Qué!
A páxina web Softcatalà pechou 2012 con 826 151 descargas de software en catalán
Softcatalà é unha asociación sen ánimo de lucro que traballa na difusión da lingua catalá no sector informático relacionado con internet e as novas tecnoloxías. En 2012, a súa páxina web rexistrou 24 102 024 visitas e 826 151 descargas de software en catalán desde esta.
Fonte: Finanzas
Boletín
Subscríbase ao boletín
