Cataluña
O Parlamento catalán insta a Generalitat a fomentar a etiquetaxe en catalán e aplicar sancións
O Parlamento catalán aprobou unha moción de Solidariedade Catalá pola Independencia (SI) que insta o Goberno catalán a "cumprir e facer cumprir" a Lei do código de consumo de Cataluña, especialmente os artigos que falan dos dereitos dos consumidores á etiquetaxe en catalán.
Fonte: Europa Press
Cataluña esixirá nocións de catalán aos inmigrantes para obter o informe de estranxeiría
O arraigo dos inmigrantes valorarase en función de se o solicitante “coñece suficientemente a sociedade catalá e ten as competencias comunicativas básicas nas linguas oficiais de Cataluña e se participou en servizos de acollida ou na rede asociativa”.
Fonte: ABC
Desenvolven un programa que “catalaniza” os sistemas de Microsoft Windows
A asociación Softcatalà presentou en Barcelona o programa “Catalanizador” para os sistemas de Microsoft Windows, que permite de forma sinxela cambiar a súa configuración para poder utilizar o catalán como lingua principal nestes contornos informáticos.
Fonte: Finanzas
A Generalitat de Catalunya potencia o catalán e o inglés entre o profesorado universitario
A Generalitat convocou unha partida de 726 400 euros para fomentar o uso das terceiras linguas, especialmente o inglés, entre o persoal docente das universidades públicas e privadas, no marco do programa Interlingua.
Fonte: La Razón
Unha gardería barcelonesa ensínalles aos nenos a lingua chinesa
O chinés é, sen dúbida, un dos idiomas do futuro grazas ao crecemento económico do xigante asiático. Na gardería Hamelin Vila Olímpica sábeno e desde hai dous meses ensínanllelo aos seus alumnos.
Fonte: 20 minutos
O Tribunal Supremo ditamina que o catalán deixe de ser lingua preferente no Concello de Barcelona
O Tribunal Supremo confirma a sentenza do Tribunal Superior de Xustiza de Cataluña que tumba sete artigos do regulamento de uso do catalán no consistorio barcelonés.
Fonte: La Vanguardia
Máis de 600 persoas piden liberdade lingüística e educación bilingüe nas escolas catalás
Máis de 600 persoas asistiron a un acto a favor da liberdade lingüística e o ensino bilingüe en centros educativos cataláns, que contou co apoio de diversas asociacións.
Fonte: Europa Press
No último ano quintuplicáronse os espectadores de cine dobrado en catalán
Os espectadores de cine dobrado en catalán multiplicáronse por cinco en Cataluña durante o último ano debido á maior oferta nas salas catalás.
Fonte: Europa Press
Máis de 400 persoas participan nun mural humano en defensa do catalán
Máis de 400 persoas de todas as idades participaron na realización dun mural humano no que se podía ler “El catalá, llengua comuna” (O catalán, lingua común) para reivindicar o uso desta lingua como elemento de inclusión e cohesión social.
Fonte: ABC
Xesús Vázquez Abad enxalza a figura de Valentín Paz-Andrade nun encontro coa Asociación de Empresarios Galegos de Cataluña
O conselleiro de Cultura, Educación e Ordenación Universitaria, Xesús Vázquez Abad, participou nun encontro coa Asociación de Empresarios Galegos en Cataluña (AEGA-CAT).
Fonte: Xunta de Galicia
Boletín
Subscríbase ao boletín
